Бэлц

Бэ́лц, таксама Бéльцы (па-румынску: Bălți) — горад на рацэ Рэўт, места на поўначы Малдовы, ейны палітычны, эканамічны, культурны і адукацыйны цэнтар. Колькасьць насельніцтва каля 127 600 чалавек (2004), што складае трэці паказчык у краіны пасьля Кішынёва і Тыраспалю.

Бэлц
рум. Bălți
Герб Бэлцу Сьцяг Бэлцу
Першыя згадкі:	4 кастрычніка 1620[1][2][3][…]
Краіна:	Малдова
Кіраўнік:	Aleksandr Petkov[d]
Плошча:	41,43 км²
Вышыня:	102 м н. у. м.
Насельніцтва:	▼97 930 чал. (2014)
Тэлефонны код:	231, 331
Паштовы індэкс:	MD-3100
Геаграфічныя каардынаты:	47°45′42″ пн. ш. 27°55′44″ у. д.
Бэлц на мапе Малдовы Бэлц
Галерэя здымкаў у Вікісховішчы
https://balti.md/

Муніцыпалітэт Бельцы зьяўляецца найважнейшым транспартным вузлом (дзьве чыгуначныя станцыі (Бельцы-Слабадзея, Бельцы-Ораш), аэрапорт, аўтавакзал, а таксама прамысловы раён, культурны і дзелавы цэнтар, які часта называюць «паўночнай сталіцай» Малдовы.

Назва

Назва паходзіць ад румынскага слова «bălț», што азначае «балота, лужыны». Мяркуюць, што горад атрымаў сваю назву таму, што знаходзіцца сярод балот і тваністых азёр.

Гэаграфія

Горад разьмешчаны на поўначы Малдовы, абапал ракі Рэўт. Большая частка горада ляжыць вакол балота ў цэнтры Бельцаў. Жылыя раёны горада акружаны Бельцкім стэпам. Праз горад працякаюць рэкі Капачанка і Флэміндэ (басейн ракі Рэўт). На тэрыторыі ёсьць штучныя сажалкі: Камсамольская, Гарадзкая, Цагляная. Плошча горада складае 41,42 км², з прыгарадамі - 78 км².