Бярозка (басэйн Дзьвіны)

Бяро́зка, Ве́рхняя Кры́віна — рака ў Віцебскай вобласьці, правы прыток ракі Крывінкі (басэйн Дзьвіны). Даўжыня 34 км. Плошча вадазбору 330 км². Выдатак вады ў вусьці 2,9 м³/с. Сярэдні нахіл воднай паверхні 0,5‰.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Бярозка.

Рака

Бярозка
Агульныя зьвесткі
Выток	возера Бярозаўскае
Вусьце	Крывінка
Краіны басэйну	Беларусь
Вобласьці	Віцебская вобласьць
Даўжыня	34 км
Сярэднегадавы сьцёк	2,9 м³/с
Плошча басэйну	330 км²
Нахіл воднай паверхні	0,5 ‰

Асноўныя прытокі — 2 ручаі бяз назваў (левы даўжынёй 14 км, правы — 15 км), Арлянка.

Пачынаецца з возера Бярозаўскае, цячэ Чашніцкай раўнінай у Сеньненскім раёне і Полацкай нізінай у Бешанковіцкім раёне. Упадае ў Крывінку каля Бешанковічаў.

Даліна і абалона невыразныя, асабліва ў межах, дзе рака цячэ балотам. Рэчышча ад вёскі Арляны да вёскі Буднікі на працягу 21 км каналізаванае, шырыня 8—20 м^[1].