Бібліятэ́ка Кангрэ́су (анг. The Library of Congress) — нацыянальная бібліятэка ЗША, адна з найбуйнешых бібліятэк сьвету. Разьмешчаная ў Вашынгтоне. Зьяўляецца навуковай бібліятэкай Кангрэсу ЗША, абслугоўвае ўрадавыя органы, дасьледчыя ўстановы, навуковых працоўнікаў, прыватныя фірмы і прамысловыя кампаніі, школы. Адмысловы аддзел Бібліятэкі Кангрэсу займаецца афармленьнем аўтарскіх правоў. Аформіць аўтарскае права можна і ў інтэрнэце, запоўніўшы бланк форму на сайце Бібліятэкі Кангрэсу.