Вайсковы камісарыят

Вайсковы камісарыят (традыц. ваенкамат) — орган мясцовага вайсковага кіраваньня ў Савецкім Саюзе, а затым у рэспубліках былога СССР, адказны за вайскова-мабілізацыйную і ўлікова-прызыўную працу.

Задачы

Асноўнымі задачамі ваенкамату зьяўляюцца:

• падрыхтоўка і правядзеньне мабілізацыі;
• улік людзкіх і народна-гаспадарчых рэсурсаў;
• падрыхтоўка моладзі да нясеньня вайсковае службы;
• арганізацыя правядзеньня прызываў грамадзянаў на вайсковую службу і на навучальныя зборы;
• арганізацыя прыёму грамадзянаў на вайсковую службу па кантракце;
• ажыцьцяўленьне іншых абаронных мерапрыемстваў;

Фармаваньні

• Суб’екта Рэспублікі (рэспубліканскія, раённыя, абласныя).
  • Падпарадкаваныя ваенкамату суб’екты (аб’яднаныя (АГВК), гарадзкія (ГВК), раённыя (РВК)).

Гісторыя

8 красавіка 1918 году Саветам Народных Камісараў прымаецца «Дэкрэт аб заснаваньні валасных, павятовых, губэрнскіх і акруговых камісарыятаў па вайсковым справам», на падставе якога на працягу году на тэрыторыі Савецкае рэспублікі ствараюцца 7 акруговых, 39 губэрнскіх, 385 павятовых і 7 тысячаў валасных вайсковых камісарыятаў.

На вайсковыя камісарыяты былі ўскладзены задачы: весьці ўлік вайсковаабавязаных, праводзіць першапачатковае вайсковае навучаньне і ажыцьцяўляць прызыў ва Ўзброеныя Сілы СССР, фармаваць іх часьці, арганізаваць іх забесьпячэньне, кіраваць войскамі, прызначанымі для абслугоўваньня тэрыторыі дадзенае губэрні, праводзіць у жыцьцё Дэкрэт аб Усевобучы.

Права камандаваць дывізіямі, ізноў якія ствараюцца, дасталася людзям, якія ведалі і тэорыю і практыку вайсковага мастацтва — выпускнікам Вайсковае Акадэміі імя Фрунзэ, Героям Савецкага Саюзу палкоўніку К. Провалову, падпалкоўнікам А. Петракоўскаму і Д.Зіноўеву (сд № 383, 393 і 395, адпаведна). Так, 20-га жніўня 1941 г. яны былі выкліканы ва ўпраўленьне па камандным і кіравальным складзе наркамата абароны. У гутарцы начальнік упраўленьня генэрал-маёр Аляксандар Румянцаў паведаміў, пра тое, што ім даверана камандаваць стралковымі дывізіямі. Пры гэтым было падкрэсьлена наступнае: «Прасочыце, каб ваенкаматы падалі навучаны прыпісны склад: чырвонаармейцы, адлучаныя камандзіры, памкамузводу і старшыны — усе, — падкрэсьліваю, — усе павінны быць прызначаны зь ліку тых, хто ў Чырвонае Арміі адслужыў самае вялікае тры гады таму. Камандны склад атрымаеце кадравы».

— Абарона Данбаса і г. Сталино ў 1941 году. 383сд, Данецк. Гісторыя. Падзеі. Факты.

^[1][2]

Дзень супрацоўнікаў вайсковых камісарыятаў

• Дзень прыняцьця «Дэкрэту аб заснаваньні валасных, павятовых, губэрнскіх і акруговых камісарыятаў па вайсковых справах» адзначаецца ў Расейскае Фэдэрацыі^[3] і Рэспубліцы Беларусь (паводле загада міністра абароны Рэспублікі Беларусь N 175 ад 10 сакавіка 2003 году)^[4], як прафэсійнае сьвята — «Дзень супрацоўнікаў вайсковых камісарыятаў».
• Ва Ўкраіне таксама існуе Дзень мабілізацыйнага працаўніка, які адзначаецца 14 верасьня.

Глядзіце таксама

• Прызыў
• Прызыўнік
• Пасьведчаньне грамадзяніна, які падлягае прызыву на вайсковую службу
• Вайсковая прысяга
• Вайсковы білет
• Вайсковец
• Вайсковабавязаны
• Палявы ваенкамат