Вапна

Ва́пна^[1][2][3] — матэрыял, які атрымліваецца шляхам абпалу (не да расплаву) карбанатных горных парод (вапнякоў, крэйды — пераважна СаСО₃), якія пры награваньні распадаюцца да аксыдаў. Па хімічным складзе яна амаль цалкам складаецца з вольных аксыдаў кальца й магна зь пераважным утрыманьнем СаО. Ужываецца ў будаўніцтве^[4], а таксама для атрыманьня розных хімічных рэчываў, некаторыя зь якіх таксама носяць назву «вапна».

Здабыча вапняку (Нарвэгія).

У залежнасьці ад тыпу пароды, зь якой выраблена вапна, яна можа быць кальцавай, магнэзыяльнай альбо далямітавай. Таксама такі матэрыял прынята падзяляць на вапну сярэдняга, хуткага ці павольнага гашэньня^[5][6].

Вапну ня варта блытаць з гіпсам, які складаецца пераважна з сульфату кальца (СаSО₄).