Волка (прыток Заходняй Бярэзіны)

Во́лка — рака ў Беларусі, левы прыток ракі Бярэзіны (басэйн Нёману). Цячэ ў Менскай і Гарадзенскай абласьцях. Даўжыня 36 км. Плошча вадазбору 391 км². Выдатак вады ў вусьці 2,9 м³/с. Сярэдні нахіл воднай паверхні 0,8‰.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Волка.

Рака

Волка лац. Vołka
Агульныя зьвесткі
Выток	каля х. Рудні
Вусьце	Бярэзіна
Краіны басэйну	Беларусь
Вобласьці	Івейскі раён і Валожынскі раён
Даўжыня	36 км
Плошча басэйну	391 км²
Нахіл воднай паверхні	0,8 ‰

Пачынаецца за 2,5 км на паўночны захад ад хутару Рудні Валожынскага раёну, упадае ў Бярэзіну за 7 км ніжэй за вёску Бакштаў. Цячэ Налібоцкай пушчай.

Даліна невыразная. Абалона вузкая, забалочаная, пад лесам і хмызьняком; шырыня 10—15 м, у сярэдняй і ніжняй плыні да 200 м. Рэчышча зьвілістае, разгалінаванае ў сярэдняй плыні, на працягу 5 км ад вытоку каналізаванае; шырыня ў межань у вярхоўі 1—3 м, ніжэй 3—8 м. Берагі стромкія, абрывістыя, невысокія^[1].