Вольга Чайчыц

Во́льга Ча́йчыц — беларуская журналістка, аўтарка рэпартажаў на сацыяльныя тэмы для тэлеканалу «Белсат».

Вікіпэдыя мае артыкулы пра іншых асобаў з прозьвішчам Чайчыц.

Вольга Чайчыц
Род дзейнасьці	журналістка
Дата нараджэньня	30 траўня 1975(1975-05-30) (50 гадоў)
Занятак	журналістка
Месца працы	Белсат
Узнагароды	Прэмія імя Віктара Івашкевіча (Хартыя'97, 2018) Тэлевізійная асоба году (прэмія тэлеканалу Белсат, 2018)

Біяграфія

Пачала займацца журналістыкай у 2008 годзе^[1].

Неаднаразова была затрыманая і аштрафаваная ў ходзе выкананьня журналісцкай працы, у тым ліку за працу без акрэдытацыі^[2][3][4][5].

Агулам за 2018 год супраць В. Чайчыц было распачата 11 адміністрацыйных справаў, якія скончыліся буйнымі штрафамі^[6]. За 2017 г. Чайчыц была аштрафаваная 14 разоў, за 2016 — 7 разоў^[7].

У студзені 2018 г. атрымала Прэмію імя Віктара Івашкевіча ад парталу Хартыя'97^[8]. У сьнежні 2018 г. атрымала прэмію «Белсата» як «тэлевізійная асоба году»^[6].

У 2020 годзе разам з мужам, апэратарам Андрусём Козелам папрасіла палітычнага прытулку ў ЗША^[9][10].