Вольнае Глыбокае

«Во́льнае Глыбо́кае» — беларуская штотыднёвая газэта, выходзіць з 1994 году ў Глыбокім, цяпер выходзіць шточацьвер^[1]. Мова выданьня беларуская й расейская. Асьвятляе сучаснае жыцьцё мясцовае супольнасьці, гісторыю Глыбоччыны і рэгіёну. Уваходзіць у склад «Асацыяцыі выдаўцоў рэгіянальнай прэсы „Аб’яднаныя Масмэдыі(be)“».

Рэдактар Уладзімер Скрабатун з выпускам газэты за 7 жніўня 2015 году

«Вольнае Глыбокае»
Тып	штотыднёвая
Фармат	А3
Уладальнік	Прыватнае інфармацыйна-рэклямнае ўнітарнае прадпрыемства «Дарога на Вільню плюс»
Выдавец	Прыватнае інфармацыйна-рэклямнае ўнітарнае прадпрыемства «Дарога на Вільню плюс»
Галоўны рэдактар	Уладзімер Скрабатун
Заснаваная	24 сьнежня 1994 (30 гадоў таму)
Закрытая	1 студзеня 2021 (2021-01-01T01)
Палітыка	грамадзка-палітычнае выданьне
Мова	беларуская, расейская
Штаб-кватэра	Глыбокае (Беларусь)
Наклад	1900 (жнівень 2015)
ISSN	0233-433X
Афіцыйны сайт	vglybokaye.by

Гісторыя

Пачаткова выданьне зарэгістраванае як орган Глыбоцкае суполкі БНФ. З 1999 году заснавальнік, выдавец і галоўны рэдактар — Уладзімер Скрабатун. Распаўсюджваецца альтэрнатыўнымі шляхамі, па-за афіцыйнаю падпіскаю.^[2] Рэдакцыя неаднаразоўва зазнавала перасьлед з боку ўладаў. Гэтак, перад выбарамі 2006 году выданьне пазбавілі права распаўсюджвацца праз афіцыйную падпіску. Менавіта ў часе выбарчае кампаніі 2006 году газэта дасягнула максымальнага накладу — 5000 асобнікаў.

З 2021 году газэта спыніла свой выхад, бо перастала акупацца, калі наклад склаў 900 асобнікаў. Апошні яе нумар выйшаў на каталіцкае Раство ў 2020 годзе^[3].