Вярхіта

Вярхі́та — рака ў Дубровенскім і Лёзьненскім раёнах Віцебскай вобласьці, у басэйне Дзьвіны. Даўжыня 28 км. Плошча вадазбору 266 км². Сярэдні нахіл воднай паверхні 0,7‰.

Рака

Вярхіта
Агульныя зьвесткі
Выток	каля в. Пятрыкі
Вусьце	возера Зелянское
Краіны басэйну	Беларусь
Вобласьці	Віцебская вобласьць
Даўжыня	28 км
Плошча басэйну	266 км²
Нахіл воднай паверхні	0,7 ‰

Асноўныя прытокі

• Праваруч: Бабровіца, Лютыня

Агульныя зьвесткі

Пачынаецца за 1 км на поўнач ад вёскі Пятрыкі Дубровенскага раёну, цячэ Лучоскай нізінай праз азёры Афанасьеўскае і Казённае, пераважна ў лясістай мясцовасьці. Упадае ў возера Зелянское з усходу на тэрыторыі Лёзьненскага раёну. Мае каналізаванае рэчышча ад вытоку да вёскі Шэкі на працягу 9 км^[1].