Вячаслаў Шуцілін

Вячаслаў Юр’евіч Шуцілін (нар. 29 студзеня 1969 г.) — беларускі эканаміст, рэктар Беларускага дзяржаўнага эканамічнага ўнівэрсытэту ад 2019 да 2021 году.

Вячаслаў Шуцілін
Рэктар БДЭУ
2019 — 2021
Прэзыдэнт	Аляксандар Лукашэнка
Асабістыя зьвесткі
Нарадзіўся	29 студзеня 1969 (56 гадоў) Разань, Расея
Адукацыя	БДЭУ (1993)[1]

Біяграфія

Нарадзіўся ў Разані (Расея), вырас у Менску^[2].

У 1993 г. скончыў Беларускі дзяржаўны эканамічны ўнівэрсытэт, пасьля чаго застаўся працаваць выкладчыкам катэдны гандлю сродкамі вытворчасьці^[3].

У 2004 г. прызначаны вучоным сакратаром БДЭУ. З 2008 па 2013 працаваў начальнікам упраўленьня падрыхтоўкі кадраў найвышэйшай кваліфікацыі БДЭУ.

У 2019 г. прызначаны рэктарам БДЭУ.

Сям’я

Жанаты, мае двух сыноў^[2].

Удзел у палітычных рэпрэсіях

У 2020 г., падчас масавых пратэстаў, што пачаліся пасьля выбараў Прэзыдэнта Беларусі, кіраўніцтва БДЭУ, рэктарам якога ў той час быў Шуцілін, накіравала ў міліцыю сьпіс удзельнікаў пратэсных акцый зь ліку сваіх студэнтаў і папрасіла прыцягнуць іх да адміністрацыйнай адказнасьці^[4].

Шуцілін падпісаў вымовы шэрагу студэнтаў БДЭУ^[5] і выключыў некалькіх студэнтаў з унівэрсытэту ў сувязі зь іхным удзелам у акцыях пратэсту^[6]. За выказваньне грамадзянскай пазыцыі Шуціліным быў звольнены з пасады дэкан факультэта міжнародных бізнэс-камунікацыяў Міхаіл Мішкевіч^[7].

Больш за 150 выкладчыкаў і супрацоўнікаў БДЭУ публічна зьвярнуліся да Шуціліна, пратэстуючы супраць палітычных рэпрэсій ва ўнівэрсытэце^[8][9].