Вітаўт Чаропка

Ві́таўт (Ві́ктар) Кузьмі́ч Чаро́пка (21 жніўня 1961, Менск) — беларускі гісторык^[1] і пісьменьнік.

Вітаўт Чаропка лац. Vitaŭt Čaropka
Дата нараджэньня	21 жніўня 1961
Месца нараджэньня	Менск
Занятак	пісьменьнік, рэдактар
Навуковая сфэра	гісторыя
Месца працы	Менскі трактарны завод Хрысціянская думка[d] Спадчына Беларуская мінуўшчына (часопіс) Беларускі гістарычны часопіс

Біяграфія

У 1981—1990 гадоў працаваў на Менскім трактарным заводзе. Браў удзел у рабоце літаратурнага аб’яднаньня «Крыніцы» пры рэдакцыі газэты «Чырвоная зьмена». 3 1990 году працаваў рэдактарам часопісу «Хрысьціянская Думка», з 1993 году — часопісу «Спадчына», з 1994 году — загаднік аддзелу часопісу «Беларуская мінуўшчына», з 1998 году — супрацоўнік рэдакцыі «Беларускім гістарычным часопісе».

Літаратурная і навуковая дзейнасьць

Творчай працай займаецца з 1982 году. Першая публікацыя пабачыла сьвет у 1988 годзе. Аўтар шматлікіх артыкулаў з гісторыі Беларусі, гістарычнага раману «Храм бяз бога» (1992 год), які ўвайшоў у сьпіс «Сто беларускіх кніг ХХ стагодзьдзя» паводле газэты «Наша Ніва»^[2].

У кнігах «Імя ў летапісе» (1994 год) і «Ўладары Вялікага княства» (1996 год) ўваскрашае панараму гістарычных падзеяў на тэрыторыі сучаснай Беларусі з X да XVII ст. і апавядае пра найбольш знакамітых беларускіх дзеячоў гэтага часу.

Бібліяграфія

• Імя ў летапісе / В. Чаропка. — Мн.: Полымя, 1994. — 559 с. ISBN 5-345-00656-3.
• Гісторыя нашага імя: Гіст. даслед. / В. Чаропка. — Мн.: Полымя, 1995. — 96 с. — (Б-ка часопіса «Маладосць»).
• Уладары Вялікага княства / В. Чаропка. — Мн.: Полымя, 1996, 2002, 2007. — 638 с. ISBN ISBN 985-07-0034-3.
• Перамога ценю: Аповесьці. Апавяданьні. Эсэ / В. Чаропка. — Мн.: Маст. літ., 1996. — 270 с. ISBN ISBN 985-02-0017-0.
• Лёсы ў гісторыі: нарысы / В. Чаропка. — Мн.: Беларусь, 2005. — 558 с. ISBN ISBN 985-01-0601-8.