Геранім Дамінік Пац

Геранім Дамінік Пац (каля 1620 — 1662) — прадстаўнік арыстакратыі Вялікага Княства Літоўскага.

Геранім Дамінік Пац

Герб «Газдава»
Асабістыя зьвесткі
Нарадзіўся	каля 1620
Памёр	1662
Пахаваны	Касьцёл Сьвятых Апосталаў Пятра і Паўла і кляштар канонікаў лятэранскіх (Вільня)[1]
Род	Пацы
Бацькі	Пётар Пац Альжбета з Шэметаў
Жонка	Ганна з Войнаў
Дзеці	Пётар Міхал, Ян Казімер, Казімер Міхал, Кацярына, Ганна

Меў маёнткі ў Ашмянскім павеце і на Жамойці.

Біяграфія

Прадстаўнік шляхецкага роду Пацаў гербу «Газдава», сын Пятра, ваяводы троцкага, і Альжбеты з Шэметаў. Меў братоў Фэлікса Яна, Баніфацыя Тэафіла, Міхала Казімера і Казімера.

У 1661 трапіў у палон і быў гвалтоўна вывезены ў Маскоўскую дзяржаву, памёр у дарозе пры вяртаньні на радзіму^[2].

Ажаніўся з Ганнай Вайнянкай. У шлюбе нарадзіліся дзеці

• Пётар Міхал (каля 1645 — 1696), староста жамойцкі
• Ян Казімер (каля 1650 — 1696/97), харунжы дворны літоўскі
• Казімер Міхал (каля 1655 — 1719), пісар вялікі літоўскі
• Кацярына, жонка Рамана Данілевіча, падкаморага ашмянскага
• Ганна, жонка Траяна Юзэфа Пакаша, судзьдзю земскага полацкага^[3].