Давід Драхаль

Да́від Дра́халь (па-польску: Dawid Drachal; нар. 21 студзеня 2005 году) — польскі футбаліст, паўабаронца клюбу «Ягелёнія». Вылучаецца добрымі тэхнічнымі навычкамі^[1]. Ягоны бацька Анджэй таксама быў футбалістам^[2].

Давід Драхаль
Пэрсанальная інфармацыя
Нарадзіўся	31 студзеня 2005(2005-01-31) (20 гадоў) Радам, Мазавецкае ваяводзтва, Польшча
Пазыцыя	паўабаронца
Клюбная інфармацыя
Клюб	Ягелёнія
Клюбы
Гады	Клюб	Гульні (галы)¹
2022—2023	Медзь Лягніца	16 (1)
2023—2025	Ракаў Чанстахова	36 (4)
2025	→ ГКС Катавіцы	14 (0)
2025—4	Ягелёнія	0 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 13 чэрвеня 2025.

Кар’ера

Выхаванец радамскай «Броні», у якой трэнаваўся зь веку 9 гадоў^[1]. У 2019 годзе быў у акадэміі «Эсколы Варсовіі»^[3]. У жніўні 2022 году падпісаў трохгадовы кантракт зь лягніцкім клюбам «Медзь»^[4]. Дэбютаваў у Экстраклясе 2 кастрычніка 2022 году ў матчы, у якой ягоная каманда атрымала паразу зь лікам 0:2 ад «Сталі»^[5]. Свой першы гол забіў 1 траўня 2023 году ў матчы супраць «Краковіі». Сустрэча скончылася ўнічыю зь лікам 1:1^[6]. У чэрвені 2023 году склаў пяцігадовую працоўную дамову з «Ракавам»^[3]. Запачаткаваў выступы за чанстахоўскую каманду 19 жніўня ў матчы супраць «Сталі». 24 верасьня 2023 году адзначыўся хет-трыкам у браму «Руху», дзякуючы чаму ягоная дружына был мацней за суперніка зь лікам 5:3^[7]. Гулец такім выступам стаў наймаладзейшым гульцом, які зарабіў хет-трык у першым тайме матчу найвышэйшага ўзроўню чэмпіянату Польшчы з 30 верасьня 1934 году, калі гэта зрабіў Эрнэст Вілімоўскі^[8]. У лютым 2025 году быў аддадзены ў арэнду да канца сэзону ў ГКС Катавіцы^[9]. 13 чэрвеня 2025 году падпісаў трохгадовы кантракт зь «Ягелёніяй»^[10].