Данііл Галята

Данііл Галята (нар. 2 лютага 2007 году) — беларускі футбаліст, паўабаронца віцебскага МЛ.

Данііл Галята
Пэрсанальная інфармацыя
Нарадзіўся	2 лютага 2007(2007-02-02)[1] (18 гадоў) Менск, Беларусь[2]
Рост	181 см[2]
Вага	74 кг[2]
Пазыцыя	паўабаронца
Клюбная інфармацыя
Клюб	МЛ Віцебск
Нумар	17
Клюбы
Гады	Клюб	Гульні (галы)¹
2023	Энэргетык-БДУ	11 (1)
2024	Іслач	18 (0)
2025—4	МЛ Віцебск	12 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 28 чэрвеня 2025.

Кар’ера

Клюбная

Выхаванец футбольнай школы «Энэргетыка»-БДУ. Дэбютаваў у складзе каманды 21 ліпеня 2023 году ў матчы Кубка Беларусі супраць «Віцебску», калі зьявіўся на полі на 71-й хвіліне. Запачаткаваў кар’еру ў Найвышэйшай лізе 5 жніўня таго ж году ў матчы супраць «Слуцку», таксама выйшаўшы на замены ў другім тайме. Дэбютным голам адзначыўся 25 лістапада, улучыўшы мяч у браму «Іслачы». У той жа сустрэчы аддаў галявую перадачу. Цягам сэзону даволі часта гуляў у асноўнай камандзе, аднак сам сталічны клюб страціў месца ў элітным дывізіёне^[3]. Пасьля кароткага адпачынку пачаў падтрыхтоўку з камандай да новага сэзону, але ў сакавіку 2024 году прыяднаўся да «Іслачы», склаўшы двухгадовы кантракт^[4]. У складзе новай дружыны дэбютаваў 7 красавіка, згуляўшы апошнія амаль паўгадзіны матчу супраць мазырскай «Славіі». Пасьля даволі актыўна прыцягваўся да матчаў каманды. На пачатку 2025 году прыяднаўся да навічка Найвышэйшай лігі клюб МЛ зь Віцебску^[5][6].

Міжнародная

Прыцягваўся да складу зборных Беларусі да 15 і 16 гадоў. З апошняй зь іх браў удзел у Кубку Разьвіцьця. У кастрычніку 2023 году футбаліст атрымаў выклік у зборную Беларусі (да 17 гадоў), дэбютаваўшы за зборную 12 кастрычніка 2023 году ў матчы супраць зборнай Расеі. Гулец выйшаў на пляцоўку з капітанскай павязьзю і вызначыўшыся галявой перадачай^[7]. З камандай таксама браў удзел у кваліфікацыйных матчах юнацкага чэмпіянату Эўропы. Паводле вынікаў адборачных матчаў поруч з дружанай прабіўся ў элітны раўнд розыгрышу^[8].