Дар’я Навумава

Да́р’я Сярге́еўна Наву́мава (нар. 26 жніўня 1995 году, вёска Патока, Клічаўскі раён Магілёўскай вобласьці, Беларусь) — беларуская цяжкаатлетка, срэбная алімпійская прызэрка 2016 року ў катэгорыі да 75 кг^[1].

Вікіпэдыя мае артыкулы пра іншых асобаў з прозьвішчам Навумава.

Дар’я Навумава
Пэрсанальная інфармацыя
Поўнае імя	Дар’я Сяргееўна Навумава
Нарадзілася	26 жніўня 1995 (30 гадоў) Патока, Магілёўская вобласьць
Грамадзянства	Беларусь
Рост	165 см
Вага	75 кг
Прафэсійная інфармацыя
Спэцыялізацыя	цяжкая атлетыка
Цяперашнія трэнэры	Мікалай Санько Алена Цеплякова Міхаіл Рабікоўскі Валеры Сізінок
Узнагароды і мэдалі Алімпійскія гульні Срэбра Рыю-дэ-Жанэйру-2016 да 75 кг

Жыцьцяпіс

Дар’я Навумава нарадзілася ў вёсцы Патока Клічаўскага раёну. Навучалася ў Слабодзкай базавай школе^[2]. Да 10 клясы займалася штурханьнем ядра і кіданьнем дыску, пасьля перайшла ў цяжкую атлетыку. Скончыла Бабруйскую вучэльню алімпійскага рэзэрву. Студэнтка факультэту фізычнага выхаваньня Магілёўскага дзяржаўнага ўнівэрсытэту імя Аркадзя Куляшова^[3].

Жыве ў Бабруйску.

Кар’ера

Дэбютавала на міжнароднай арэне ў 2012 року на чэмпіянаце Эўропы сярод юнакоў у катэгорыі да 69 кг. Надалей выступае ў катэгорыі да 75 кг.

Рок	Спаборніцтва	Месца	Вагавая катэгорыя	Рывок, кг	Штуршок, кг	Сума, кг	Месца
2014	Чэмпіянат Эўропы па цяжкай атлетыцы	Тэль-Авіў, Ізраіль	да 75 кг	108	133	241	4
2015	Чэмпіянат сьвету па цяжкай атлетыцы	Г’юстан, ЗША	да 75 кг	115	142	257	5
2016	Алімпійскія гульні	Рыю-дэ-Жанэйру, Бразылія	да 75 кг	116	142	258