Джордж Альбэрт Крол

Джордж Альбэрт Крол (па-ангельску: George Albert Krol; нар. 1956, Пітсбург, Пэнсыльванія) — дыплямат, пасланьнік-дарадца зьнешнепалітычнай службы(d) ЗША.

Джордж Альбэрт Крол
амбасадар ЗША ў Казахстане[d]
2015 — 2018
амбасадар ЗША ў Беларусі
2003 — 2006
Папярэднік	Майкл Козак[d]
Пасол ЗША ва Узбекістане[d]
2011 — 2014
Асабістыя зьвесткі
Нарадзіўся	1956 Пітсбург, Пэнсыльванія, ЗША
Адукацыя	Гарвардзкі ўнівэрсытэт Оксфардзкі ўнівэрсытэт St. Peter's Preparatory School[d]
Узнагароды

Жыцьцяпіс

Наймалодшы з трох сыноў у сям’і Энтані Дж. Крола^[1]. Навучаўся ў прыватнай школе Сьвятога Пятра ў Джэрзі-Сіці (Нью-Джэрзі), атрымаў ступень бакаляўра гісторыі з адзнакай Гарвардзкага ўнівэрсытэту, магістарскія званьні ў філязофіі, палітыцы й эканоміцы Оксфардзкага ўнівэрсытэту (Вялікабрытанія).

З 1982 року ў Зьнешнепалітычнай службе ЗША, атрымаў ранг пасланьніка-дарадцы. Працаваў у Польшчы, Індыі, СССР, Расеі, Украіне і Беларусі.

У 1993—1995 — намесьнік амбасадара, часовы давераны(d) у Менску (Беларусь). У 1995—1999 — у Вашынгтоне, супрацоўнік аддзелаў у справах СНД, пасьля Паўднёвай і Цэнтральнай Азіі. У 1999—2002 — пасланьнік-дарадца ў палітычных пытаньнях Амбасады ЗША ў Маскве (Расея). У 2003—2006 — амбасадар ЗША ў Беларусі. У 2011—2014 — амбасадар ЗША ва Ўзбэкістане. У 2015—2018 — амбасадар ЗША ў Казахстане^[2][3].

З 2018 — у адстаўцы, жыве ў Мідлтаўне (Род-Айлэнд)^[4].

Валодае беларускай^[5], маскальскай, польскай мовамі.

Прэміі і ўзнагароды

• Ордэн Сяброўства (Казахстан, 2018^[2])
• Мэдаль да стагодзьдзя БНР (2019^[6])

Сям’я

Мае двух старэйшых братоў.

Жонка — Мэліса Ўэлч^[7].