Дзьмітры Харытонаў

Дзьмітры Аляксеевіч Харытонаў (нар. 12 красавіка 1997) — беларускі футбаліст, брамнік «Віцебску».

Дзьмітры Харытонаў
Пэрсанальная інфармацыя
Нарадзіўся	12 красавіка 1997(1997-04-12)[1] (28 гадоў) Віцебск, Беларусь[2]
Рост	186 см
Пазыцыя	брамнік
Клюбная інфармацыя
Клюб	Віцебск
Нумар	12
Клюбы
Гады	Клюб	Гульні (галы)¹
2013—2014	Віцебск-2[d]	8 (0)
2015—2019	Віцебск	0 (0)
2017	→ Ворша	30 (0)
2018	→ Нафтан	26 (0)
2019	→ Ворша	27 (0)
2021	Слуцак	7 (0)
2022—4	Віцебск	65 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 22 чэрвеня 2025.

Кар’ера

Выхаванец клюбу «Віцебска». У 2013—2014 гадах выступаў за каманду «Віцебск-2» у Другой лізе, а пасьля стаў гуляць за дубль «Віцебска». Сэзон 2017 году правёў у арэндзе ў «Воршы», дзе стаў трывалым гульцом асноўнага складу, а ў лютым 2018 году быў пераведзены ў наваполацкі «Нафтан»^[3], дзе таксама замацаваўся ў першай адзінаццатцы.

Да сэзону 2019 году рыхтаваўся зь «Віцебскам», а ў красавіку зноў адправіўся ў арэнду ў «Воршу». У пачатку 2020 году трэнаваўся зь «Віцебскам», аднак у студзені быў дыскваліфікаваны на адзін год за ўдзел у дамоўных матчах у складзе «Нафтана» ў 2018 годзе^[4], пасьля чаго пакінуў віцебскі клюб. У лютым 2021 году, пасьля заканчэньня тэрміну дыскваліфікацыі, падпісаў кантракт з «Слуцкам»^[5]. 14 сакавіка 2021 году дэбютаваў у Найвышэйшай лізе, адгуляўшы ўсе 90 хвілінаў у матчы супраць БАТЭ (0:3). У далейшым працягваў выходзіць у стартавым складзе случакоў, а з чэрвеня страціў месца ў аснове.

У студзені 2022 году паводле пагадненьня бакоў скасаваў кантракт з «Слуцкам»^[6]. Хутка пачаў трэнавацца зь «Віцебскам» і падпісаў пагадненьне з клюбам^[7]. У сэзоне 2022 году быў другім брамнікам каманды, згуляў толькі ў матчы Кубка Беларусі супраць рагачоўскага «Макслайна», які ладзіўся 21 чэрвеня, а выніковы лік 3:2 быў на карысьць дружыны Харытонава. У студзені 2023 году падоўжыў кантракт зь віцебскім клюбам^[8], выціснуўшы з асноўнага складу Дзьмітра Гушчанку. На пачатку 2025 году падпісаў новы кантракт зь «Віцебскам»^[9].