Дзюгонь

Дзюгонь (Dugong dugon) — водны сысун сямейства дзюгоневых атрада сырэнаў; адзіны від.

Дзюгонь
Самка дзюгоня зь дзіцыянём
Клясыфікацыя
Царства	Жывёлы
Тып	Хордавыя
Падтып	Хрыбетныя
Кляса	Сысуны
Атрад	Сырэны
Сямейства	Дзюгоневыя
Род	Дзюгоні
Від	Дзюгонь
Бінамінальная намэнклятура
Dugong dugon (Statius Müller, 1776)
Арэал
Арэал
Дзюгонь на Віківідах  Дзюгонь у Вікісховішчы ITIS 180679 · NCBI 29137

Даўжыня цела 2,5-3,2 м (да 5,8 у самцоў), маса да 170 кг. Тулава верацёнападобнае. Сьпіна зеленаватая, шаравата-бураватая або чарнаватая, бруха ружаватае або белаватае. Хваставы плаўніх двухлопасьцевы, гарызантальны. Галава невялікая, маларухомая. У кожнай сківіцы 1 пара разцоў і 2 пары карэнных зубоў. У самцоў верхнія разцы ператварыліся ў біўні даўжынёю 20-25 см.

Жыве ў Індыйскім і заходняй частцы Ціхага акіяна, каля берагоў Усходняй Афрыкі, Паўднёвай Азіі, выспаў Рукю, Маршалавых і Саламонавых. Зрэдку заходзіць у вусьці рэк.

Трымаецца па адным або парамі. Корміцца воднай расьліннасьцю. Нараджае 1 дзіцяня.

Занесена ў Чырвоную кнігу МСАП.

Дзюгонь — сховішча мультымэдыйных матэрыялаў