Дзяніс Гармаш

Дзяні́с Га́рмаш (па-ўкраінску: Денис Гармаш; нар. 19 красавіка 1990 году, Мелавое, Украінская ССР) — украінскі футбаліст, паўабаронца клюбу «Ліснэ» і былы гулец нацыянальнай зборнай Украіны.

Дзяніс Гармаш
Пэрсанальная інфармацыя
Нарадзіўся	19 красавіка 1990(1990-04-19)[1][2][3] (35 гадоў) Мелавое, Луганская вобласьць, УССР, СССР
Рост	186 см
Вага	72 кг
Пазыцыя	паўабаронца
Клюбная інфармацыя
Клюб	Ліснэ[d]
Нумар	19
Клюбы
Гады	Клюб	Гульні (галы)¹
2007	Дынама-3 Кіеў[d]	7 (3)
2007—2009	Дынама-2 Кіеў[d]	55 (9)
2009—2023	Дынама Кіеў	237 (4)
2020	→ Рызэспор	14 (3)
2023	Осіек	3 (0)
2024	Мэталіст 1925[d]	13 (2)
2024—4	Ліснэ[d]	0 (0)
Зборныя
2007	Украіна (да 17)[d]	4 (0)
2007—2009	Украіна (да 18)[d]	17 (2)
2008—2009	Украіна (да 19)[d]	13 (3)
2011—2021	Украіна	31 (2)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 21 кастрычніка 2024.

Кар’ера

Раньнія гады

Нарадзіўся непадалёк ад Луганску ў пасёлку Мелавое, што на самай мяжы з Расеяй. Футболу вучыўся ў Луганскім вучылішчы фізычнай культуры. Тры гады гуляў за дзіцячую каманду 1990 году нараджэньня. У 2005 годзе ў ДЮФЛУ выступаў за «Алімпік» з Данецку. Пасьля адной з гульняў дзіцяча-юнацкага чэмпіянату яго запрасіў Аляксандар Петракоў у кіеўскае РУВФК, туды ён перайшоў у 2006 годзе.

«Дынама» Кіеў

У РУВФК яго заўважылі трэнэры кіеўскага «Дынама». 8 ліпеня 2007 году ў Нікопалі завяршыўся турнір дзіцяча-юнацкай лігі сярод камандаў вышэйшага дывізіёна, укамплектаваных гульцамі 1990 году нараджэньня. Аднаго зь лідэраў «Дынама-2» выхаванцы РУВФК выбілі з барацьбы ў чвэрцьфінале. Забіў вырашальны мяч ўжо футбаліст «​​Дынама-3», тады яшчэ выступаў за інтэрнат, Дзяніс Гармаш, які пасьля заканчэньня спаборніцтваў быў названы лепшым гульцом турніру.

10 красавіка 2007 году Дзяніс дэбютаваў у «Дынама-3» у матчы супраць каманды «Еднасьць» Пліска (1:2). Першы матч за «Дынама» правёў у таварыскім матчы на ​​80-годзьдзе клюбу супраць італьянскага «Міляну» (2:2)^[4], ён выйшаў на 59 хвіліне замест Айлы Юсуфа. Пасьля матчу прэзыдэнт «Міляну», Адрыяна Галіяні адзначыў ягоную гульню^[5].

У афіцыйным матчы за «Дынама» Гармаш дэбютаваў 31 кастрычніка 2007 году ў кубкавым матчы супраць сімфэропальскага «ІграСэрвіса» (4:1)^[6].

Міжнародная кар’ера

Выступаў за юнацкія зборныя Ўкраіны розных узростаў. 17 лістапада 2007 году дэбютаваў у моладзевай зборнай Украіны ў матчы супраць зборнай Ліхтэнштайну (5:0), у тым матчы Гармаш атрымаў жоўтую картку. За нацыянальную зборную Ўкраіны дэбютаваў 7 кастрычніка 2011 году ў таварыскім матчы супраць зборнай Баўгарыі (3:0). Выйшаў на матч у стартавым складзе й адыграў увесь першы тайм, але ў перапынку быў заменены.

Дасягненьні

«Дынама»:

• Чэмпіён Украіны: 2015, 2016, 2021
• Уладальнік Кубка Ўкраіны: 2014, 2015, 2020, 2021
• Уладальнік Супэркубка Ўкраіны: 2009, 2011, 2016, 2018, 2019, 2020

Асабістае жыцьцё

Ягоны бацька працуе настаўнікам фізычнае культуры, а маці зьяўляецца хатняй гаспадыняй, таксама ў яго ёсьць малодшая сястра.