Дэніел Старыдж

Дэ́ніел А́ндрэ Ста́рыдж (па-ангельску: Daniel Andre Sturridge; нар. 1 верасьня 1989 году, Бірмінггэм, Ангельшчына) — колішні ангельскі футбаліст, нападнік. Мае на сваім рахунку матчу ў складзе нацыянальнай зборнай Ангельшчыны.

Дэніел Старыдж
Пэрсанальная інфармацыя
Нарадзіўся	1 верасьня 1989(1989-09-01)[1][2] (36 гадоў) Бірмінггэм, Ангельшчына, Вялікабрытанія
Рост	183 см
Вага	76 кг
Пазыцыя	нападнік
Клюбы
Гады	Клюб	Гульні (галы)¹
2006—2009	Манчэстэр Сіці	21 (5)
2009—2013	Чэлсі	63 (13)
2011	→ Болтан Ўандэрэрз	12 (8)
2013—2019	Лівэрпул	116 (50)
2018	→ Ўэст Бромўіч Альбіён	6 (0)
2019—2020	Трабзанспор	11 (4)
2021—2022	Пэрт Глоры[d]	6 (0)
Зборныя
2004—2005	Ангельшчына (да 16)[d]	6 (5)
2005—2006	Ангельшчына (да 17)[d]	8 (5)
2007	Ангельшчына (да 18)[d]	1 (2)
2008	Ангельшчына (да 19)[d]	3 (1)
2009	Ангельшчына (да 20)[d]	1 (1)
2009—2011	Ангельшчына (да 21)[d]	15 (4)
2011—2017	Ангельшчына	26 (8)

Клюбная кар’ера

Дэніел зьяўляецца выхаванцам футбольных клюбаў «Астан Віла», «Ковэнтры Сіці» і «Манчэстэр Сіці». Прафэсійную кар’еру пачаў мінавіта ў манчэстэрскім клюбе.

«Чэлсі»

Сваёй гульнёй за гэтую каманду прыцягнуў увагу прадстаўнікоў трэнэрскага штабу клюбу «Чэлсі», да складу якога далучыўся 3 ліпеня 2009 году на правах вольнага агента. Згуляў за лёнданскі клюб наступныя два сэзоны сваёй гульнявой кар’еры. За гэты час заваяваў тытул чэмпіёна Ангельшчыны і станавіўся ўладальнікам кубка краіны, аднак гэтак і не атрымаў статусу асноўнага гульца, таму 31 студзеня 2011 году быў аддадзены на правах арэнды да канца сэзону ў «Болтан Ўандэрэрз».

У склад «Чэлсі» вярнуўся ўлетку 2011 году, адначасова з прыходам у каманду новага трэнэра — Андрэ Вілаша-Боаша, якому спадабаўся гулец і Дэніел стаў часьцяком выходзіць у стартавым складзе каманды. Аднак пасьля вызваленьня партугальскага спэцыяліста з пасады Старыдж зноўку атрымаў ролю гульца рэзэрвы.

«Лівэрпул»

2 студзеня 2013 году нападнік падпісаў пяцігадовы кантракт зь «Лівэрпулам», сума трансфэра засталася невядомай.

6 студзеня Дэніел дэбютаваў за новы клюб у матчы трэцяга раўнду Кубка Ангельшчыны супраць «Мэнсьфілд Таўн», дзе адзначыўся забітым мячом^[3]. У сваім першым матчы ў чэмпіянаце нападнік таксама вызначыўся ў гульні супраць «Манчэстэр Юнайтэд» на «Олд Трафард»^[4]. Дзякуючы добрай гульні Дэніел стаўся асноўным гульцом клюбу.

Міжнародная кар’ера

Старыдж выступаў як за юнацкія, гэтак і за моладзевыя каманды зборнай Ангельшчыны. 15 лістапада 2011 году дэбютаваў у афіцыйных матчах у складзе нацыянальнай зборнай Ангельшчыны ў таварыскай гульні супраць зборнай Швэцыі, якая скончылася перамогай ангельцаў зь лікам 1:0.

Дасягненьні

Чэлсі

• Чэмпіён Ангельшчыны: 2010
• Уладальнік Кубка Ангельшчыны: 2010, 2012
• Пераможца Лігі чэмпіёнаў: 2012

Лівэрпул

• Пераможца Лігі чэмпіёнаў: 2019