Жандармэрыя

Жандармэрыя (па-француску: gendarmerie) — паліцыя, якая мае ваенную арганізацыю. Такога роду падразьдзяленьня існавалі ў розны час і існуюць цяпер у шэрагу краін. Супрацоўнікі такіх падразьдзяленьняў завуцца жандарамі.

Францускія жандары

Італьянскія карабінэры

Байцы памежнай паліцыі Ізраіля

Жандармэрыя — першапачаткова франц. gens d’armes — «людзі зброі» ці «ўзброеная світа», затым франц. gent d’armes, якое зьяўляецца гульнёй словаў, у якой франц. gent ня толькі мае значэньне «людзі», але і скарачэньнем ад франц. gentil — «шляхетны», з намёкам на высакароднасьць саставу першапачатковай жандармэрыі — першапачаткова «ўзброеная сьвіта» францускага караля — гэта значыць каралеўская лейб-гвардыя, што складалася першапачаткова з цяжкаўзброеных рыцараў.