Жвірблішкінскі валун

Жвірблішкінскі валун — валун у Ашмянскім раёне, геалягічны помнік прыроды рэспубліканскага значэньня^[1].

Жвірблішкінскі валун

Жвірблішкінскі валун

Знаходзіцца ў 200 мэтрах на захад ад вёскі Жвірблішкі, напрыканцы вёскі Анкуды.

Валун шэрага гнейсу з жылкамі ружовага палявога шпату. Парода, зь якой складзеная глыба, прынесеная ледніком каля 150 тысячаў гадоў таму з Фэнаскандыі падчас Ашмянскай стадыі сожнага зьледзяненьня. Азімут кірунку доўгай восі мае заходні кірунак (270º). Форма груды — выцягнуты трохкутнік, на паўночным баку якога захавалася паглыбленьне да 10 сантымэтраў і дыямэтрам да 15 сантымэтраў авальнай формы.