Жлобінскі замак

Жлобінскі замак — помнік гісторыі і абарончай архітэктуры ў Жлобіне. Знаходзіўся на правым беразе ракі Дняпра. Існаваў у XV—XVII стагодзьдзях.

Помнік абарончай архітэктуры
Жлобінскі замак
Краіна	Беларусь
Места	Жлобін
Дата заснаваньня	XV ст.
Дата скасаваньня	1654

Гісторыя

Драўляны замак у Жлобіне збудавалі ў XV ст. За часамі вайны Маскоўскай дзяржавы з Рэччу Паспалітай 1654—1667 гадоў у ліпені 1654 году замак узялі штурмам і спалілі ўкраінскія казакі Івана Залатарэнкі.

Архітэктура

Складаўся з уласна замка (60 × 50 м) і падзамка (130 × 60 м), разьмешчанага на 1,5—2 м ніжэй за замкавы дзядзінец. Увесь комплекс узвышаўся на 3—4 м над прырэчнай жылой зонай сярэднявечнага паселішча. Замак увацоўваўся земляным валам і драўлянымі сьценамі-гароднямі зь вежамі і брамамі^[1].