Залозьнікавыя

Залозьнікавыя (Scrophulariaceae) — сямейства кветкавых расьлінаў, якое зьмяшчае каля 62 роды і 1830 відаў^[1].

Залозьнікавыя
Залозьніца вузлаватая (Scrophularia nodosa) — тыповы від
Клясыфікацыя
Надцарства	Эўкарыёты (Eukaryota)
Царства	Расьліны (Plantae)
Аддзел	Кветкавыя (Angiosperms)
Кляса	Двухдольныя (Eudicots)
Атрад	Ясноткакветныя (Lamiales)
Сямейства	Залозьнікавыя
Бінамінальная намэнклятура
Scrophulariaceae Juss.
Залозьнікавыя на Віківідах  Залозьнікавыя ў Вікісховішчы ITIS 33005 ·

Апісаньне

Прадстаўнікі гэтага сямейства — шматгадовыя альбо аднагадовыя травы, часам хмызьнякі, радзей дрэвы, зрэдку паўпаразыты або паразыты. Лісьце чарговае або супратыўнае або ў кольцах або прыкаранёва супратыўнае, а сьцяблёва чарговае, простае, часам складанае; прылісткі адсутнічаюць. Кветкі ў суквецьці альбо адзіночныя; чашалісьцікаў (2)4 або 5, па-рознаму выяўленыя; пялёсткаў (3)4 ці 5, часта 2-губныя; тычачак часта 4, радзей 2 ці 5. Плод — каробачка, рэдка ягада. Насеньне шматлікае, дробнае^[2][3][4].

Арэал

Распаўсюджаныя амаль ва ўсім сьвеце, пераважна ў умераных рэгіёнах, уключаючы трапічныя горы^[2][3][4].