Заразіхавыя

Заразіхавыя (Orobanchaceae) — сямейства кветкавых расьлінаў, якое зьмяшчае каля 98 родаў і 1960 відаў^[1].

Заразіхавыя
Orobanche caryophyllacea — тыповы від
Клясыфікацыя
Надцарства	Эўкарыёты (Eukaryota)
Царства	Расьліны (Plantae)
Аддзел	Кветкавыя (Angiosperms)
Кляса	Двухдольныя (Eudicots)
Атрад	Ясноткакветныя (Lamiales)
Сямейства	Заразіхавыя
Бінамінальная намэнклятура
Orobanchaceae Vent.
Заразіхавыя на Віківідах  Заразіхавыя ў Вікісховішчы ITIS 34267 ·

Апісаньне

Прадстаўнікі гэтага сямейства — травы шматгадовыя, двухгадовыя або аднагадовыя, паразыты, без хларафілу. Сьцеблы простыя або, часам, разгалінаваныя. Лісьце лускападобнае, простае, супратыўнае, або зрэдку чарговае альбо ў кольцах, суцэльнае, зубчастае або часам глыбока падзеленае, прылісткі адсутнічаюць. Кветкі ў суквецьці або рэдка адзіночныя; прыкветак 1; у асноўным чашачка мае 4–5 частак, вяночак мае пяць частак; тычачак, звычайна, 4. Плод — каробачка. Насеньне дробнае, шматлікае^[2][3].

Арэал

Распаўсюджваньне: ва ўсім сьвеце, але асабліва ў паўночным цёплым умераным і афрыка-мадагаскарскам рэгіёнах^[2][3][4].