Злучаныя Штаты Польшчы

Злучаныя Штаты Польшчы (па-польску: Stany Zjednoczone Polski) — нязьдзейсьнены палітычны канцэпт адраджэньня незалежнай польскай дзяржавы. Стварыў яго польскі палітык Ігнацы Ян Падэрэўскі, які ўпершыню абвясьціў яго 11 студзеня 1917 году ў Мэмарыяле да прэзыдэнта ЗША Томаса Ўудра Ўілсана^[1].

Ігнацы Ян Падэрэўскі

Тэрыторыя Злучаных Штатаў Польшчы мела ахопліваць большасьць тэрыторыі Рэчы Паспалітай да яе падзелаў, а таксама Цешынскае княства, Апольскую Сылезыю, Усходнюю Прусію і паветы: сыцоўскі і намыслоўскі на Ніжнай Сылезыі. Кіраўніком дзяржавы быў бы прэзыдэнт, які адначасова атрымаў бы тытул караля Польшчы, Літвы, Палесься і Галіччыны^[1].

У склад Злучаных Штатаў Польшчы ўваходзілі б краіны зь вялікай аўтаноміяй:

• Каралеўства Польшчы
• Каралеўства Літвы
• Каралеўства Палесься
• Каралеўства Галіччыны^[1]