Кабяк

Кабяк — хан дняпроўскіх куманаў^[1] які неаднаразова рабаваў руськія землі ў 1170–1180 гадах, а таксама ўдзельнічаў у міжусобных войнах рускіх князёў.

Кабяк лац. Kabiak
Дата сьмерці	пасьля 1184 году
Пасада	правадыр дняпроўскіх куманаў
Бацька	Карлы
Дзеці	Даніла Кабяковіч

Жыцьцё

У 1171 годзе разам з куманскім ханам Канчаком прайграў важную бітву князю Іг

ару Сьвятаславічу, які прыйшоў са сваімі паўночнымі дружынамі на куманскую зямлю.

У 1180 годзе разам з ханам Канчаком ён дапамог Сьвятаславу Ўсеваладавічу захапіць Кіеў.

У 1183 ці 1184 годзе ў бітве пад Арлом куманскае войска на чале з Кабяком было разьбіта войскамі кіеўскіх князёў Сьвятаслава Ўсеваладавіча й Рурыка Расьціславіча. Кабяк быў узяты ў палон.

«А поганаго Кобяка изъ луку моря, от желѣзныхъ великихъ плъковъ половецкихъ, яко вихръ, выторже. И падеся (буквально „упал“) Кобякъ въ градѣ Кіевѣ, въ гридницѣ Святъславли»

Слова пра паход Ігараў

С. А. Плятнёва паводле хвалебнага твора пра Сьвятаслава Ўсеваладавіча ў «Слове пра паход Ігаравы» робіць выснову, што палонны Кабяк быў забіты ў Кіеве пры двары Святаслава.

Гэта быў агульнарускі паход, акрамя Сьвятаслава й Рурыка, у ім удзельнічалі адзінаццаць князёў. Разам з Кабяком у палон трапілі два яго сыны й яшчэ 16 ханаў. Сярод сыноў Кабяка адзін вядомы пад імем Даніла.