Калегія эканамічных справаў Вярхоўнага суду Беларусі

Кале́гія эканамі́чных спра́ваў Вярхо́ўнага суду́ Белару́сі — калегія Вярхоўнага суду Беларусі ў галіне вырашэньня гаспадарчых спрэчак, заснаваная ў 1991 годзе ў якасьці Найвышэйшага гаспадарчага суду Беларусі.

Калегія эканамічных справаў Вярхоўнага суду Беларусі
Абрэвіятура	КЭС ВС РБ
Дата ўтварэньня	25 жніўня 1991 (33 гады таму)
Штаб-кватэра	Цэнтральны раён, Арлоўская вул., д. 76[1]
Месцазнаходжаньне	Менск
Дзейнічае ў рэгіёнах	Беларусь
Сяброўства	18 судзьдзяў (2021 год)[2]
Афіцыйныя мовы	беларуская, расейская
Старшыня	Юры Кобец
Асноўныя асобы	Вольга Сінкевіч, Сьцяпан Турмовіч
Матчына кампанія	Вярхоўны суд Рэспублікі Беларусь
Бюджэт	14 807 млн рублёў[3] (2010 год; 4946 тыс. $[4])
Колькасьць супрацоўнікаў	113[5] (2011)
Сайт	court.gov.by/be
Колішняя назва	Найвышэйшы гаспадарчы суд Рэспублікі Беларусь (да 1 студзеня 2014 г.)

Гісторыя

Найвышэйшы гаспадарчы суд Рэспублікі Беларусь меў 1 галоўную ўправу, 3 управы й 1 аддзел ды дзеіць у складзе: 1) Пленуму, 2) Прэзыдыюму, 3) касацыйнай калегіі, 4) калегіі першай інстанцыі, 5) калегіі па банкруцтву, 6) калегіі па падатковых спрэчках. Колькасьць судзьдзяў ды склад суда вызначаліся прэзыдэнтам. З 1 кастрычніка 2001 году пасаду старшыні суда займае Віктар Камянкоў^[6]. Месьціўся ў Менску па вуліцы Валадарскага, д. 8.

29 лістапада 2013 году А. Лукашэнка падпісаў Дэкрэт № 6 «Аб удасканаленьні судовай сыстэмы Рэспублікі Беларусь», паводле якога 1 студзеня 2014 году Навыйшэшы гаспадарчы суд Беларусі пераўтварылі ў Калегію эканамічных справаў Вярхоўнага суду Беларусі^[7].

Старшыні

• Уладзімер Бойка (1991 — 1 кастрычніка 2001)
• Віктар Камянкоў (1 кастрычніка 2001 — 14 чэрвеня 2013)

Паўнамоцтвы

Паводле закону Найвышэйшы гаспадарчы суд Беларусі меў паўнамоцтвы на:

• разгляд справаў па першай інстанцыі, у парадку нагляду й касаваньня ды па зноў выяўленых абставінах;
• запыт у Канстытуцыйнага суду заключэньня аб адпаведнасьці заканадаўства Канстытуцыі ды іншаму заканадаўству вышэйшага парадку;
• вывучэньне, абагульненьне ды тлумачэньне ўжыцьця заканадаўства аб прадпрымальніцтве;
• нагляд за выкананьнем гаспадарчымі судамі пастановаў Пленуму ВГС;
• дапамогу судзьдзям гаспадарчых судоў ва ўжыцьці законаў;
• прапанову зьмены заканадаўства аб прадпрымальніцтве;
• прыём справаздачаў судзьдзяў аб дзейнасьці гаспадарчых судоў ды праверка іх супрацоўнікаў сумесна з Міністэрствам юстыцыі;
• вядзеньне падлікаў у гаспадарчых судах;
• забесьпячэньне гаспадарчых судоў супрацоўнікамі сумесна зь Міністэрствам юстыцыі;
• супрацу з замежнымі судамі ды міжнароднымі арганізацыямі^[8].