Камень-Кашырскі

Камень-Кашырскі (па-ўкраінску: Камінь-Каширський) — места ў Валынскай вобласьці Ўкраіны, на рацэ Цыр. Адміністрацыйны цэнтар Камень-Кашырскага раёну. Насельніцтва на 2024 год — 12 тыс. чал. Знаходзіцца за 99 км ад Луцку. Чыгуначная станцыя.

Камень-Кашырскі лац. Kamień-Kašyrski
укр. Камінь-Каширський
Герб Камень-Кашырскага Сьцяг Камень-Кашырскага
Першыя згадкі:	XIII стагодзьдзе
Магдэбурскае права:	1430
Краіна:	Украіна
Вобласьць:	Валынская
Раён:	Луцкі
Плошча:	7,6 км²
Вышыня:	155 м н. у. м.
Насельніцтва (2022)
колькасьць:	12 477 чал.[1]
шчыльнасьць:	1641,71 чал./км²
Часавы пас:	UTC+2
летні час:	UTC+3
Тэлефонны код:	+380-3357
Паштовыя індэксы:	44500-44505
КОАТУУ:	0721410100
Геаграфічныя каардынаты:	51°37′27″ пн. ш. 24°57′38″ у. д.
Камень-Кашырскі на мапе Ўкраіны Камень-Кашырскі
Галерэя здымкаў у Вікісховішчы
http://kamadm.gov.ua/

Гісторыя

• 1262: першыя згадкі, у складзе Галіцка-Валынскага княства.^[2]
• XV стагодзьдзе: у Вялікім Княстве Літоўскім, валоданьне князёў Сангушкаў-Кашырскіх.
• 1430: атрымаў Магдэбурскае права.
• 1565/66: у Валынскім ваяводзтве ВКЛ.
• 1569: згодна з умовамі Люблінскай уніі перайшоў у Каралеўства Польскае.
• 1628: Адам Сангушка-Кашырскі фундаваў у месьце кляштар дамініканаў.
• 1795: у выніку трэцяга падзелу Рэчы Паспалітай апынуўся ў складзе Расейскай імпэрыі, мястэчка ў Ковельскім павеце Валынскай губэрні.
• 1921: згодна з Рыскай мірнай дамовай увайшоў у склад міжваеннай Польскай Рэспублікі, цэнтар Кашырскага павету Палескага ваяводзтва.
• 1939: у складзе Ўкраінскай ССР.
• 1940: места, цэнтар раёну.

Насельніцтва

• 1921 год — 1265 чал.
• 1991 год — 10,3 тыс. чал.^[3]
• 2005 год — 10,8 тыс. чал.

Славутасьці

У цэнтры места знаходзяцца рэшткі даўняга гарадзішча «Замак».

Памылковы юбілей

У 13 кастрычніка 1996 году жыхары Камень-Кашырскага заўчасна адсьвяткавалі 800-гадовы юбілей свайго места, памылкова атаясаміўшы гістарычную назву Камень зь беларускім Камянцом, які ўпершыню згадваецца пад 1196 годам. То бок фактычна месьцічы адзначылі юбілей Камянцу.^[4]