Канвэрт

Канвэрт^[1], кувэрт^[2] (ням. Kuvert, франц. сouvert, couvrir — пакрываць), капэрта — абалонка да ўкладаньня, захоўваньня і перасылкі папераў або плоскіх прадметаў, звычайна лістоў. Найбольш пашыраныя паштовыя канвэрты.

Канвэрт

Этымалёгія

Паводле Этымалягічнага слоўніка беларускай мовы НАН Беларусі слова «канвэрт» ёсьць запазычаньнем з расейскага «конверт», якое зьявілася ў Маскоўскай дзяржаве за часамі Пятра I з францускага couvert 'закрыты, схаваны' < couvrir 'пакрываць' < с.-лац. copertum < coopertus 'накрыты' (магчыма пасярэдніцтва нямецкага Kuvert). Пры гэтым застаецца няясным узьнікненьне насавога -н- у расейскім слове^[3].