Карл Франц Піч

Карл Франц Піч, Карэл Францішак Піч (па-нямецку: Carl Franz Pitsch, па-чэску: Karel František Pič; 5 лютага 1786, Батцдорф, цяпер Барташовіцэ-ў-Арліцкіх-гарах, Кралаваградзецкі край — 12 чэрвеня 1858, Прага) — чэскі арганіст і кампазытар.

Карл Франц Піч
Дата нараджэньня	5 лютага 1786(1786-02-05)[1][2][3]
Месца нараджэньня	Барташавіцы ў Орліцкіх горах[d][3]
Дата сьмерці	12 чэрвеня 1858(1858-06-12)[1][2][3] (72 гады)
Месца сьмерці	Прага, Каралеўства Багеміі[d], землі багемскай Кароны[d], Аўстрыйская імпэрыя[2][1][3]
Месца пахаваньня	Альшанскія могілкі[d][4]
Месца вучобы	Карлаў унівэрсытэт
Занятак	кампазытар, музычны пэдагог, музыказнаўца, арганіст
Навуковая сфэра	арганная музыка[d][2], клясычная музыка[2] і музычная адукацыя[d][2]
Жанры	клясычная музыка і літургічная музыка[d]
Інструмэнты	арган[d]

Біяграфія

Атрымаў першыя ўрокі музыкі ў свайго бацькі. Скончыўшы гімназію ў Індржыхаве-Градцы, вывучаў фартэпіяна, арган і кантрапункт ў арганіста Ёгана Франца Ота ў Кладзка. Затым скончыў філязофскі факультэт Карлавага ўнівэрсытэту. У 1815—1826 гадах працаваў настаўнікам музыкі ў багатых дамах Чэхіі. У 1826 годзе пераехаў у Прагу, з 1832 году арганіст праскай царквы Сьвятога Мікалая. У 1840 годзе ўзначаліў Праскую арганную школу, якой кіраваў да канца жыцьця; вучнямі Піча былі, у прыватнасьці, Карэл Бендль^[5] і Францішак Скугерскі.

Карл Франц Піч быў абраны ганаровым членам некалькіх музычных арганізацыяў, у тым ліку Зальцбурскага Мацартэўму (1845).

Аўтар Рэквіему, некалькіх імшаў і іншай царкоўнай харавой і арганнай музыкі.

Карл Франц Піч памёр 12 чэрвеня 1858 году ў чэскай сталіцы.