Касьцёл Нараджэньня Найсьвяцейшай Панны Марыі (Трабы)

Касьцёл Нараджэньня Найсьвяцейшай Панны Марыі — помнік архітэктуры пачатку XX стагодзьдзя ў Трабах. Знаходзіцца ў паўднёвай частцы колішняга мястэчка на Зарэчнай вуліцы. Дзее. Твор архітэктуры нэаготыкі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Касьцёл Нараджэньня Найсьвяцейшай Панны Марыі (неадназначнасьць).

Помнік сакральнай архітэктуры
Касьцёл Нараджэньня Найсьвяцейшай Панны Марыі
Касьцёл Нараджэньня Найсьвяцейшай Панны Марыі
Краіна	Беларусь
Вёска	Трабы
Каардынаты	54°09′20.32″ пн. ш. 25°54′23.85″ у. д.
Канфэсія	каталіцтва
Эпархія	Гарадзенская дыяцэзія
Архітэктурны стыль	нэаготыка
Касьцёл Нараджэньня Найсьвяцейшай Панны Марыі на мапе Беларусі Касьцёл Нараджэньня Найсьвяцейшай Панны Марыі

Гісторыя

Праект касьцёла, 1899 г.

Вялікае Княства Літоўскае

Першы драўляны касьцёл у Трабах фундаваў у 1534 годзе ваявода віленскі Альбрэхт Гаштольд.

Пад уладай Расейскай імпэрыі

Па трэцім падзеле Рэчы Паспалітай (1795 год), калі Трабы апынуліся ў складзе Расейскай імпэрыі, касьцёл працягваў дзеяць.

У 1900—1905 гадох намаганьнямі ксяндза Паўла Сухоцкага вялося будаваньне мураванага касьцёла.

Найноўшы час

За савецкім часам касьцёл не зачыняўся.

Архітэктура

Помнік архітэктуры нэаготыкі. Гэта 2-вежавая 3-нэфавая базыліка зь 5-граннай апсыдай і невялікім трансэптам. Асноўны аб’ём накрываецца 2-схільным дахам, 3-ярусныя вежы — высокімі шатрамі. Крылы трансэпта далучаюцца адначасна да асноўнага аб’ёму і апсыды, накрываюцца 2-схільнымі дахамі, якія з трох бакоў закрываюцца шчытамі. Сьцены рытмічна падзяляюцца контрфорсамі і стральчатымі аконнымі праёмамі.

Унутраная прастора падзяляецца слупамі на тры нэфы. Цэнтральны перакрываецца цыліндрычным скляпеньнем з распалубкамі, бакавыя — крыжовымі. Над уваходам месьцяцца хоры. У інтэр’еры тры 2-ярусныя разьбяныя (цёмнае дрэва з пазалочанымі элемэнтамі) алтары ў нэагатычным стылі. Галоўны — трыфорыюмная карункавая кампазыцыя, у цэнтры якой зьмяшчаецца абраз Маці Божай зь Дзіцяткам Езусам, аздоблены пазалочанай шатай з каронамі. У бакавых сьпічастых нішах зьмяшчаюцца паліхромныя фігуры Сьвятых Апосталаў Пятра і Паўла. У другім ярусе алтара знаходзіцца абраз Сьвятога Казімера. У цэнтры левага бакавога алтара зьмяшчаецца абраз Укрыжаваньня, а ў другім ярусе — П’ета. У цэнтры правага алтара знаходзіцца абраз Сьвятога Антонія ў пазалочанай шаце, а наверсе — абраз Сьвятога Францішка з Асызі.

Касьцельны пляц атачаецца бутавай агароджай, галоўны ўваход пазначаецца брамай у выглядзе чатырох цагляных нэагатычных слупоў-пінакляў^[1].

Галерэя

Гістарычныя здымкі

• Старыя здымкі
• 
  1915 г.
• 
  1915 г.
• 
  1915—1917 гг.
• 
  1915—1918 гг.

• 
  1915—1918 гг.
• 
  1915—1918 гг.
• 
  1915—1918 гг.
• 
  1915—1918 гг.

• 
  травень 1916 г.
• 
  жнівень 1916 г.
• 
  1916 г.
• 
  1917 г.

• 
  1941 г.
• 
  1941—1944 гг.
• 
  1941—1944 гг.
• 
  1941—1944 гг.

Сучасныя здымкі

• Сучасны стан
• 
  Агульны выгляд
• 
  Брама
• 
  Хоры з арганам
• 
  Шыльда