Касьцёл Сьвятой Барбары і кляштар трынітарыяў (Берасьце)

Касьцё́л Сьвято́й Ба́рбары і кля́штар трыніта́рыяў — помнік архітэктуры XVIII стагодзьдзя ў Берасьці. Знаходзіўся ў Кобрынскім прадмесьці. Твор архітэктуры барока.

Помнік сакральнай архітэктуры
Касьцёл Сьвятой Барбары і кляштар трынітарыяў
Касьцёл Сьвятой Барбары і кляштар трынітарыяў
Краіна	Беларусь
Места	Берасьце
Каардынаты	52°05′25.20″ пн. ш. 23°39′44.25″ у. д.
Дата заснаваньня	XVII ст.
Касьцёл Сьвятой Барбары і кляштар трынітарыяў на мапе Беларусі Касьцёл Сьвятой Барбары і кляштар трынітарыяў

Комплекс Берасьцейскага трынітарскага кляштару складаўся з касьцёла і кляштарнага корпуса, аточаных мурам з брамамі. Пры будаваньні Берасьцейскай фартэцыі ўлады Расейскай імпэрыі зачынілі і зруйнавалі кляштар. Магчыма, да нашага часу захаваліся падмуркі.

Гісторыя

Вялікае Княства Літоўскае

У 1738 годзе ў Берасьці пры кляштары трынітарыяў пачалося будаваньне мураванага касьцёлу, кансэкраванага ў 1761 годзе.

На 1772 год у кляштары было 7 манахаў.

Пад уладай Расейскай імпэрыі

Па трэцім падзеле Рэчы Паспалітай (1795 год), калі Берасьце апынулася ў складзе Расейскай імпэрыі, касьцёл і кляштар працягвалі дзеяць. У час будаваньня Берасьцейскай крэпасьці расейскія ўлады зачынілі касьцёл і кляштар і перабудавалі іх пад фартыфікацыі.

Архітэктура

Касьцёл

Касьцёл — прастакутны ў пляне будынак з амаль квадратнай алтарнай апсыдай. Галоўны фасад падзяляўся антаблемэнтамі на 3 ярусы: ніжні з уваходным парталам і акном, што асьвятляла хоры, рытмічна падзяляўся пілястрамі і меў масіўны цокаль, сярэдні — у выглядзе прастакутнага атыка з разарваным франтонам і круглым акном у цэнтры, верхні — складанай формы атыкавы франтон з паўцыркульным завяршэньнем (у яго аснове была фрэска з эмблемай ордэна трынітарыяў)^[1].

Унутраная прастора падзялялася контрфорсамі на 8-граннае асноўнае памяшканьне з бакавымі капліцамі. Інтэр’ер аздаблялі 7 разных алтароў з скульптурай^[2].

Кляштар

Кляштарны корпус — два 2-павярховыя Г-падобныя ў пляне крылы, якія далучаліся да бакоў касьцёла.

Галерэя

• Гістарычная графіка
• 
  З мапы каля 1748 г.
• 
  Абмеры, 1831 г.
• 
  Абмеры, 1831 г.
• 
  «Трынітарскія кашары», 1861 г.