Касьцёл Узвышэньня Сьвятога Крыжа і кляштар бэнэдыктынак (Слонім)

Касьцёл Узвышэньня Сьвятога Крыжа і кляштар бэнэдыктынак — помнік архітэктуры XVIII—XIX стагодзьдзяў у Слоніме. Знаходзіцца на паўднёва-ўсходняй ускраіне места, на гістарычнай Скробаўскай вуліцы^[a]. У другой палове XIX ст. улады Расейскай імпэрыі зруйнавалі касьцёл. Твор архітэктуры барока. Аб’ект Дзяржаўнага сьпісу гістарычна-культурных каштоўнасьцяў Беларусі.

Помнік сакральнай архітэктуры
Касьцёл Узвышэньня Сьвятога Крыжа і кляштар бэнэдыктынак
Кляштар бэнэдыктынак
Краіна	Беларусь
Места	Слонім
Каардынаты	53°05′13.32″ пн. ш. 25°19′22.21″ у. д.
Архітэктурны стыль	клясыцызм
Дата заснаваньня	XVII ст.
Статус	Ахоўная зона
Касьцёл Узвышэньня Сьвятога Крыжа і кляштар бэнэдыктынак на мапе Беларусі Касьцёл Узвышэньня Сьвятога Крыжа і кляштар бэнэдыктынак

Комплекс Слонімскага бэнэдыктынскага кляштару складаўся з касьцёла і кляштарнага корпуса. У наш час у будынку кляштару месьціцца школа № 1 места Слоніму.

Гісторыя

Вялікае Княства Літоўскае

У 1649 годзе ў Слоніме заснавалі кляштар бэнэдыктынак, пры якім збудавалі драўляны касьцёл.

Пад уладай Расейскай імпэрыі

Па трэцім падзеле Рэчы Паспалітай (1795 год), калі Слонім апынуўся ў складзе Расейскай імпэрыі, касьцёл і кляштар працягвалі дзеяць. У 1801 годзе замест драўляных збудавалі мураваныя будынкі. Па здушэньні вызвольнага паўстаньня (1830—1831) у 1850 годзе расейскія ўлады ліквідавалі кляштар і гвалтоўна адабралі будынкі ў каталікоў. Пазьней яны зруйнавалі касьцёл.

Найноўшы час

За польскім часам у кляштарным корпусе разьмяшчалася настаўніцкая сэмінарыя.

Архітэктура

Касьцёл

Касьцёл — манумэнтальная 2-вежавая базыліка. Фасады аздабляла калянада.

Інтэр’еры аздабляліся фрэскавымі размалёўкамі.

Кляштар

Кляштарны корпус — 2-павярховы Г-падобны ў пляне будынак, накрыты 2-схільным дахам. Плястыку фасадаў вызначаюць арытмічна разьмешчаныя лапаткі.

Меў галерэйны плян. Часткова захаваліся скляпеністыя перакрыцьці. Пад будынкам на ўсю даўжыню разьмяшчаюцца скляпеністыя сутарэньні, якія таксама мелі галерэйны плян^[1].

Галерэя

• Гістарычныя здымкі
• 
  да 1915 г.
• 
  да 1915 г.
• 
  20 верасьня 1915 г.
• 
  1930 г.

Заўвагі

1. Цяперашні афіцыйны адрас — вуліца Чырвонаармейская