Катастрофа Іл-103 пад Берасьцем

Катастрофа Іл-103 пад Берасьцем — авіякатастрофа, якая адбылася 14 чэрвеня 2015 году каля вёскі Хабы Берасьцейскага раёну.

Катастрофа Іл-103 пад Берасьцем
Іл-103
Зьвесткі пра катастрофу
Дата	14 чэрвеня 2015
Час	12:09
Характар	авіяцыйнае здарэньне з чалавечымі ахвярамі (катастрофа)
Месца катастрофы	вёска Хабы, Берасьцейскі раён
Паветранае судна
Мадэль самалёта	аднаматорны самалёт Іл-103, паветранае таксі
Авіякампанія	РУП «Беллесавія»
Бартавы нумар	RA-01386
Пасажыры	0
Экіпаж	2
Загінулі	2
Выжылі	0

Абставіны

У 12.09 пры выкананьні палётнага заданьня па выяўленьні пажараў у экасыстэмах адбылося падзеньне паветранага судна Іл-103 РУП «Беллесавія» з паўкілямэтры ад вёскі Хабы і ў некалькіх кілямэтрах ад Берасьцейскага аэрапорту^[1].

Па словах сьведкаў, самалёт чамусьці пачаў зьніжэньне над полем, зачапіў спачатку зямлю левым крылом, а пасьля носам^[2].

Самалёт

Іл-103, бартавы нумар RA-01386, належаў РУП «Беллесавія» і выкарыстоўваўся для выяўленьня пажараў.

Ахвяры

Загінулі камандзір паветранага судна Міхаіл Мядзьведзеў і старшы лётчык-назіральнік Аляксандар Барысюк.

Расьсьледаваньне

Створаная камісія для вызначэньня прычынаў падзеньня самалёту.