Крапінцовыя

Крапінцовыя (Polygalaceae) — сямейства кветкавых расьлінаў, якое зьмяшчае 21 род і каля 900 відаў^[1].

Крапінцовыя
Polygala vulgaris — тыповы від
Клясыфікацыя
Надцарства	Эўкарыёты (Eukaryota)
Царства	Расьліны (Plantae)
Аддзел	Кветкавыя (Angiosperms)
Кляса	Двухдольныя (Eudicots)
Атрад	Бабовакветныя (Fabales)
Сямейства	Крапінцовыя
Бінамінальная намэнклятура
Polygalaceae Hoffmanns. & Link
Крапінцовыя на Віківідах  Крапінцовыя ў Вікісховішчы ITIS 29301 ·

Апісаньне

Прадстаўнікі гэтага сямейства — аднагадовыя або шматгадовыя травы, хмызьнячкі або хмызьнякі, рэдка невялікія дрэвы альбо дравяністыя павойныя расьліны. Лісьце простае, суцэльнае, чарговае, супратыўнае альбо ў кольцах. Кветкі ў суквецьці, белыя, жоўтыя ці пурпурна-чырвоныя; чашалісьцікаў 5; пялёсткаў 3 або 5; тычачак 8, 7, 5 альбо 4. Плод — каробачка, крылатка або касьцянка. Насеньне 1 або 2, жоўта-карычневае, цёмна-каштанавае альбо чорнае, круглявае, яйкападобнае або эліпсоіднае^[2][3].

Арэал

Распаўсюджваньне: ва ўсім сьвеце, за выключэньнем Арктыкі і Новай Зэляндыі^[2][3][4].