Красавіцкае каханьне

«Красавіцкае каханьне» (па-ангельску: April Love) — карціна мастака-прэрафаэліта Артура Г’юза, напісаная паміж 1855 і 1856 годам. Упершыню была выстаўленая Каралеўскай акадэміяй мастацтваў у 1856 годзе.

Красавіцкае каханьне
анг: April Love
Год	1855—1856
Тып	палатно, алей
Памеры	89 × 50
Месцазнаходжаньне	Галерэя Тэйт, Лёндан

Апісаньне

Карціна паказвае маладую пару ў часе эмацыйнага крызісу. Постаць мужчыны ледзь заўважная, ягоная галава выглядвае з-пад левай рукі маладзіцы. Яе позірк скіраваны на ўпалыя пялёсткі кветак на падлозе, якія сымбалізуюць канец вясны і раньняга каханьня.

На першым паказе Г’юз прадставіў палатно ўрыўкам зь верша Альфрэда Тэнісана «Дачка млынара»:^[1]

Love is hurt with jar and fret, Love is made a vague regret, Eyes with idle tears are set, Idle habit links us yet; What is Love? For we forget. Ah no, no.

Лёнданская галерэя Тэйт набыла гэтую карціну ў 1909 годзе, якая захоўваецца там і па сёньняшні дзень. Першапачатковым уладальнікам карціны быў Ўільям Морыс^[2].

Мадэльлю для фігуры маладзіцы была Трайфэна Форд (Tryphena Ford), на якой Г’юз ажаніўся ў 1855 годзе^[3].