Краснаярскае вадасховішча

Краснаярскае вадасховішча (па-расейску: Красноярское водохранилище) — вадасховішча на Енісеі, утворанае пры будаўніцтве Краснаярскай ГЭС. Зьяўляецца адным з найбуйнейшых паводле аб’ёму штучных вадаёмаў у сьвеце, у Расеі займае паводле гэтага паказчыку другое месца пасьля Братэрскага вадасховішча. Аб’ём воднай масы складае 73,3 км³. Плошча паверхні 2000 км²^[1].

Вадасховішча Краснаярскае Панарама Краснаярскага Гара Цяпсей пры ўпадзеньні Тубы (справа) у Краснаярскае вадасховішча (зьлева) Краіна Расея Каардынаты 55°06′35″ пн. ш. 91°34′38″ у. д.

Месцазнаходжаньне Краснаярскага Краснаярскае

Верхняя кропка вадасховішча знаходзіцца ў раёне гораду Абакан, пры ўпадзеньні ў Енісей ракі Абакан. Ніжняя кропка — плаціна Краснаярскай ГЭС, вышэй гораду Краснаярска. Адлегласьць ад верхняй кропкі да Краснаярскай ГЭС па прамой складае каля 250 км, аднак агульная даўжыня вадасховішча значна больш — 388 км. Шырыня ў самых шырокіх месцах дасягае 15 км. Вышыня зрэзу вады — 243 м над узроўнем мора.

У вадасховішча ўпадаюць некалькі досыць буйных рэк, у тым ліку: па правым беразе — Туба, Сісім, Сыда, па левым — Біруса. Найбуйнейшымі населенымі пунктамі, разьмешчанымі на беразе вадасховішча, зьяўляюцца раённыя цэнтры Вусьць-Абакан, Краснатуранск, Навасёлава. Масты праз вадасховішча адсутнічаюць, бліжэйшыя масты празь Енісей разьмешчаны ў некалькіх кілямэтрах вышэй і ніжэй вадасховішча. Аднак праз вадасховішча арганізавана паромное паведамленьне, у прыватнасьці зь сяла Навасёлава. Да пачатку 1990-х гадоў па вадасховішча ажыцьцяўлялася пасажырскія зносіны рачнымі цеплаходамі на падводных крылах.