Крашэўскі (карабель, 2011)

«Крашэ́ўскі» — грузавы карабель, сабраны ў 2011 року на кітайскай вэрфі COSCO Dalian. Належыць кітайска-польскаму марскому прадпрыемству Chipolbrok. Урачыстая цырымонія прысваеньня караблю імя Крашэўскага адбылася 13 чэрвеня 2011 року ў Даляні^[1].

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Крашэўскі (карабель).

«Крашэўскі» — пяты з заплянаванае сэрыі шасьці сучасных караблёў, прызначаных для перавозкі і апрацоўкі цяжкіх і буйнагабарытных грузаў^[2][3], а ў 60-гадовай гісторыі фірмы Chipolbrok — ужо 75-я судзі́на^[1].

Астатнімі караблямі ў сэрыі сталі: «Adam Asnyk», «Chipolbrok Star», «Parandowski», «Chipolbrok Galaxy» і «Chipolbrok Cosmos»^[4]. Кожная судзіна сэрыі мае грузападымальнасьць 650 тонаў.

Парамэтры

IMO: 9432153. MMSI: 209355000. Пазыўны: 5BKF3. Краіна: Кіпр.

Зьмяшчальнасьць — 30 000 тонаў. Даўжыня — 199,8 м, шырыня — 27,8 м, вышыня — 15,5 м. Хуткасьць — 19,5 вузлоў^[5].