Крывячышчаньне

Крывячы́шчаньне^[1], таксама крывяцэ́джаньне^[2] або гемадыяліз (ад грэц. αἷμα — кроў і грэц. διάλυσις — «расклад», «аддзяленьне») — мэтад пазанырачнага ачышчэньня крыві пры вострай і хранічнай нырачнай няздатнасьці. У часе крывячышчаньня адбываецца выдаленьне з арганізму таксычных прадуктаў абмену рэчываў, нармалізацыя парушэньняў воднага і электралітнага балянсаў.

Апарат для крывячышчаньня INNOVA

Варта адрозьніваць крывячышчаньне (пры якім ачышчэньне крыві ажыцьцяўляецца праз штучную мэмбрану з ужываньнем апарата «штучная нырка») ад пэрытанэальнага чышчаньня (пры якім ачышчэньне крыві ажыцьцяўляецца за кошт зьмены адмысловых рашчынаў у чэраўнай паражніне, а ў якасьці мэмбраны выступае брухавіна пацыента) і кішачнага чышчаньня (прамываньне сьлізьневай абалонкі кішачніка умерана гіпэртанічнымі рошчынамі).