Крышталёвы палац

Крышталёвы палац — чыгуначна-шкляное збудаваньне, першапачаткова узьведзенае ў лёнданскім Гайд-Парку адмыслова для Сусьветнай выставы 1851 году. Больш за 14 000 прадстаўнікоў з усяго сьвету сабраліся ў выставачнай залі плошчай 92 000 м², каб паказаць найноўшыя тэхналягічныя ўзоры, распрацаваныя ў час Індустрыяльнай рэвалюцыі. Спраектаваны Джозэфам Пэкстанам, будынак Сусьветнай выставы меў памеры 564 м у даўжыню і 39 м у вышыню^[1].

Крышталёвы палац
The Crystal Palace
Крыштальны палац (1854)
Месцазнаходжаньне	Вялікабрытанія, Лёндан
Памер	300пкс
Архітэктар	Джозэф Пэкстан
Каардынаты	51°25′20.26″ пн. ш. 0°4′32.84″ з. д.
Крышталёвы палац на мапе Вялікабрытаніі Крышталёвы палац

Па заканчэньні выставы будынак быў перанесены на новае месца, у лёнданскае прадмесьце Сайдэнгэм-Гіл, дзе пазьней быў павялічаны ў памерах і прастаяў з 1854 па 1936 гады, пакуль ня быў зьнішчаны пажарам. За часы свайго існаваньня палац вабіў тысячы наведвальнікаў незалежна ад сацыяльнага палажэньня.