Кірыл Чарнавок

Кіры́л І́гаравіч Чарнаво́к (нар. 2 студзеня 2003 году) — беларускі футбаліст, паўабаронца мазырскага «Славіі» (у арэндзе з барысаўскага БАТЭ).

Кірыл Чарнавок
Пэрсанальная інфармацыя
Нарадзіўся	2 студзеня 2003(2003-01-02)[1] (22 гады) Дрыса, Віцебская вобласьць, Беларусь[1]
Рост	177 см[2]
Вага	73 кг[2]
Пазыцыя	паўабаронца
Клюбная інфармацыя
Клюб	Славія Мазыр (у арэндзе з клюбу «БАТЭ»)
Нумар	17
Клюбы
Гады	Клюб	Гульні (галы)¹
2021	Рух Берасьце	14 (0)
2022—2023	Менск	38 (4)
2023—4	БАТЭ	47 (4)
2025—4	→ Славія Мазыр
Зборныя
2022—2023	Беларусь (да 21)	3 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 5 ліпеня 2025.

Кар’ера

Клюбная

Пачынаў займацца футболам у роднай Дрысе, дзе трэнэрам быў ягоны бацька, Ігар Чарнавок. Пазьней далучыўся да акадэміі берасьцейскага «Дынама». У 2020 годзе пачаў выступаць за дубль дынамаўцаў, тады ж стаў прыцягвацца і да асноўнай каманды. У пачатку 2021 году акадэмія «Дынама» перайшла да берасьцейскага «Руха», куды перабраўся і паўабаронца. Да сэзону 2021 году рыхтаваўся з асноўным складам «Руха». Дэбютаваў у Найвышэйшай лізе 20 сакавіка 2021 году, зьявіўшыся на зьмену ў другім тайме матчу супраць клюбу «Менск» (2:2). У далейшым працягваў рэгулярна зьяўляцца ў асноўнай камандзе, пераважна выходзячы на замену.

У пачатку 2022 году рыхтаваўся да новага сэзону з «Рухам», а ў сакавіку, пасьля таго як берасьцейскі клюб зьняўся з Найвышэйшай лігі, перайшоў у «Менск»^[3], дзе замацаваўся ў першай адзінаццатцы. У жніўні 2023 году падпісаў кантракт з барысаўскім БАТЭ да канца 2025 году^[4], але ўжо ў сярэдзіне сэзону на правах арэнды ўзмоцніў шыхты мазырскай «Славіі»^[5].

Міжнародная

У кастрычніку 2019 году ў складзе юнацкай зборнай Беларусі (да 17 гадоў) прымаў удзел у кваліфікацыйным раўндзе чэмпіянату Эўропы. 21 верасьня 2022 году дэбютаваў у моладзевай зборнай Беларусі, выйшаўшы на зьмену ў другім тайме таварыскага матчу супраць моладзевай зборнай Расеі (1:6).