Ладзейнапольскі раён

Ладзейнапольскі раён (па-расейску: Лодейнопольский район) — адміністрацыйна-тэрытарыяльная адзінка на паўночным усходзе Ленінградзкай вобласьці ў Расеі. Адміністрацыйным цэнтарам зьяўляецца горад Ладзейнае поле.

Ладзейнапольскі раён
Герб
Агульныя зьвесткі
Краіна	Расея[1][2]
Статус	муніцыпальны раён[d]
Адміністрацыйны цэнтар	Ладзейнае поле[3][1]
Дата ўтварэньня	1 жніўня 1927
Насельніцтва	▼27 168 чал. (2024)[4]
Плошча	4900 км²
Месцазнаходжаньне
Мэдыя-зьвесткі
Тэлефонны код	81364
https://администрация-лодейноеполе.рф/ Афіцыйны сайт
Дадатковыя мультымэдыйныя матэрыялы

Геаграфія

Ладзейнапольскі раён мяжуе з Падпароскім, Ціхвінскім і Волхаўскім раёнамі, а таксама з Карэліяй на поўначы. Плошча раёну складае 4910,95 км², што складае 6,60% ад агульнай тэрыторыі вобласьці. Тэрыторыя раёну мае раўнінны рэльеф, абсалютныя вышыні складаюць да 150 мэтраў над узроўнем мора. На тэрыторыі раёну разьмешчаны Ніжнясьвірскі запаведнік, які ахоўваецца дзяржавай.

Гісторыя

Ладзейнапольскі раён быў утвораны 1 жніўня 1927 году ў адпаведнасьці з пастановай УЦВК і СНК РСФСР. У пэрыяд Другой сусьветнай вайны ў пачатку верасьня 1941 году паўночная частка раёну па правым беразе ракі Сьвір была занятая фінскім войскам. У сувязі з набліжэньнем фронту насельніцтва раёну было эвакуяванае. Аднак стабілізацыя фронту па Сьвірскім рубяжы дазволіла вярнуць частку насельніцтва. Да восені 1942 году ў межах раёну функцыянавалі 15 калгасаў і пражывала 2336 чалавек.