Леангард Пфёдэрль

Леангард Пфёдэрль (па-нямецку: Leonhard Pföderl; нар. 1 верасьня 1993 году) — нямецкі хакеіст, правы нападнік клюбу «Айсбэрэн».

Леангард Пфёдэрль
Рост	182 см[1]
Пазыцыя	нападнік
Грамадзянства	Нямеччына[1]
Дата нараджэньня	1 верасьня 1993(1993-09-01)[1] (32 гады)
Месца нараджэньня	Бад-Тэльц, Верхняя Баварыя[d], Баварыя, Нямеччына
Клюб	Айсбэрэн
Выступаў за	Томас Саба Айс Тайгерз
Гульнявая кар’ера	2012 — цяпер

Кар’ера

Пачаў займацца хакеем у родным мястэчку Бад-Тэльц. Пазьней прыцягнуў да сябе ўвагу з боку клюбу «Томас Саба Айс Тайгерз», у складзе гэтае каманды запачаткаў прафэсійную кар’еру. Ужо ў другім матчы сэзону закінуў шайбу ў браму мангаймскага «Адлера»^[2]. З сэзону 2014—2015 гадоў стаў адным з найважнейшых хакеістаў каманды, дамінуючы з Коры Локам у нападніцкіх дзеях каманды. Пазьней утварыў добрую пару нападнікаў з былым гульцом НХЛ амэрыканцам Дэйвам Стэкелам. У студзені 2017 году нападнік упершыню ачоліў сьпіс бамбардзіраў Нямецкай хакейнай лігі^[3]. Асноўны раўнд сэзону 2016—2017 гадоў скончыў з 48 пунктамі (22 шайбы, 26 перадачаў) на сваім рахунку і стаў чацьвертым бамбардзірам лігі. У плэй-оф Пфёдэрль атрымаў траўму пляча ў першай чвэрцьфінальнай гульні супраць «Аўгсбург Пантэрз» і датэрмінова завяршыў сэзон^[4]. Перад пачаткам сэзону 2019—2020 гадоў узгадніў трохгадовы кантракт з сталічным «Айсбэрэнам»^[5]. У новай камандзе гулец хутка стаў адным зь лідэраў. Поруч з клюбам у 2022 і 2024 гадах здабываў тытул чэмпіёна Нямеччыны. Пасьля фінальнай сэрыі 2024 году супраць «Фіштаўн Пінгвінз» быў названы самым каштоўным гульцом сэрыі.