Лешча

Ле́шча — рака ў Шклоўскім раёне Магілёўскай вобласьці і Аршанскім раёне Віцебскай вобласьці, левы прыток ракі Дняпра. Даўжыня 33 км. Плошча вадазбору 191 км². Выдатак вады ў вусьці каля 1,2 м³/с. Сярэдні нахіл воднай паверхні 1,3‰.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Лешча (неадназначнасьць).

Рака

Лешча
Агульныя зьвесткі
Выток	каля в. Акунёўка
Вусьце	Дняпро
Краіны басэйну	Беларусь
Вобласьці	Магілёўская вобласьць, Віцебская вобласьць і Беларусь[1]
Даўжыня	33 км
Сярэднегадавы сьцёк	1,2 м³/с
Плошча басэйну	191 км²
Нахіл воднай паверхні	1,3 ‰

Пачынаецца за 2,5 км на паўночны захад ад вёскі Акунёўка Шклоўскага раёну, вусьце ў межах вёскі Зорная Аршанскага раёну. Цячэ на паўночнай ускраіне Аршанска-Магілёўскай раўніны.

Даліна ў вярхоўі невыразная, у сярэдняй і нізкай плыні скрынкападобная, шырынёй ад 0,2 да 1 км. Схілы парэзаны ярамі. Абалона двухбаковая, высокая, сухая. Рэчышча каналізаванае на працягу 20 км (ад вытоку да вёскі Лешча Шклоўскага раёну), ніжэй зьвілістае; шырыня яго ў нізкай плыні 5—6 м. Берагі ў высокай і сярэдняй плыні ўмерана стромкія і стромкія, у нізкай — абрывістыя^[2].