Лос-Анджэлес Гэлаксі

«Лос-Анджэлес Гэлаксі» (па-ангельску: Los Angeles Galaxy) ― амэрыканскі футбольны клюб з аднайменнага гораду, гуляе ў МЛС. Адзін з самых тытуляваных футбольных клюбаў краіны. Першапачаткова свае хатнія матчы «Гэлаксі» праводзіў на стадыёне «​​Роўз Боўл» у Пасадэне, але з 2003 году гуляюць на пляцоўцы «Дыгніці Гэлт Спортс Парк», які месьціцца ў прадмесьці Карсан. Разам з «Гэлаксі» на гэтым стадыёне свае хатнія матчы праводзіць клюб «Чывас ЗША». Каманда мае суперніцтва з клюбам «Сан-Хасэ Эрткўэйкс», матчы паміж клюбамі маюць назоў Каліфарнійскае клясыка, якое разглядаецца многімі як самае працяглае суперніцтва ў футболе ЗША.

Лос-Анджэлес Гэлаксі
Поўная назва	Los Angeles Galaxy
Заснаваны	1995
Горад	Лос-Анджэлес, ЗША
Стадыён	Дыгніці Гэлт Спортс Парк Умяшчальнасьць: 27 000
Кіраўнік	Філіп Аншуц[d]
Галоўны трэнэр	Greg Vanney[d][1]
Чэмпіянат	МЛС
· 2024	Канфэрэнцыя: 2 месца (агулам 4 месца) Плэй-оф: 1 месца
Хатнія колеры Выязныя колеры
Галерэя здымкаў у Вікісховішчы lagalaxy.com (анг.)

У студзені 2007 году клюб зьвярнуў на сябе ўвагу ўсяго футбольнага сьвету, падпісаўшы кантракт з ангельскай зоркай Дэйвідам Бэкгэмам. Іншым важным падпісаньнем быў кантракт з Робі Кінам, які ў цяперашні час зьяўляецца капітанам клюбу.

Гісторыя

Ліга МЛС была заснавана ў 1993 годзе, як частка дамовы фэдэрацыі футболу ЗША на правядзеньне ў 1994 годзе чэмпіянату сьвету па футболе^[2]. Клюб з Лос-Анджэлесу ўпершыню далучыўся да лігі ў 1996 годзе. Назва «Гэлаксі» была атрымана з-за таго, што ў Лос-Анджэлес зьяўляецца домам для многіх зорак Галіўуду^[3].

Дасягненьні

• Пераможца Ліга чэмпіёнаў КОНКАКАФ: 2000
• Кубак МЛС: 2002, 2005, 2011, 2012, 2014, 2024
• Уладальнік Кубка ЗША: 2001, 2005
• Пераможца Заходняй канфэрэнцыі МЛС: 1996, 1999, 2001, 2002, 2009, 2010, 2011, 2012, 2014