Лютненскі сельсавет

Лю́тненскі сельсавет — былая адміністрацыйна-тэрытарыяльная адзінка ў складзе Амсьціслаўскага раёну Магілёўскай вобласьці. Адміністрацыйны цэнтар — вёска Лютня. Насельніцтва на 2009 год — 1125 чалавек^[1].

Гісторыя

У 1918 годзе ў Амсьціслаўскі павет уваходзіла Старасельская воласьць.

20 жніўня 1924 году ў Амсьціслаўскім раёне быў створаны Старасельскі сельсавет.

12 траўня 1978 году Старасельскі сельсавет быў перайменаваны ў Лютненскі.

20 лістапада 2013 году сельсавет ліквідаваны, усе населеныя пункты — Банькаўшчына, Будагошч, Гімбатаўка, Дзеснакіта, Дубасна, Казлоўка, Кандратаўск, Красная Паляна, Красны Бераг, Лютня, Расьсьвет, Старое Сяло, Чарнілава, Шамаўшчына — перададзеныя ў склад Капачоўскага сельсавету^[2].