Ля-Лювіер (футбольны клюб)

«Ля-Лювіер» (па-француску: La Louvière) — бэльгійскі футбольны клюб з аднайменнага гораду з правінцыі Эно. Клюб быў заснаваны ў 2009 годзе ў выніку зьліцьця.

Ля-Лювіер
Поўная назва	Royal Association Athlétique Louviéroise La Louvière
Заснаваны	2009
Горад	Ля-Лювіер, Бэльгія
Стадыён	Тывалі Умяшчальнасьць: 8050
Чэмпіянат	Про Ліга
· 2024—2025	Чэленджэр Про Ліга, 2 месца (падвышэньне)
royal-charleroi-fleurus.be

Гісторыя

Спартовы клюб «Сэркль» быў заснаваны ў 1919 годзе і ў 1920 годзе далучыўся да Каралеўскай бэльгійскай футбольнай асацыяцыі. У 1934 годзе клюб упершыню ўзьняўся ў нацыянальны дывізіён. Пасьля гэтага наступныя дзесяцігодзьдзі каманда правяла ў найніжэйшых дывізіёнах бэльгійскіх правінцыйных ліг. У 1945 годзе каманда афіцыйна зьмяніла сваю назву на «Амікаль Сэркль». Празь некалькі гадоў, у 1949 годзе, быў створаны яшчэ адзін клуб, вядомы як «Юніён». У 1956 годзе яны сталі сябрамі асацыяцыі. У 1962 годзе «Амікаль Сэркль» атрымаў каралеўскі тытул і дадаў да сваёй назвы слова «Раяль». У 1977 годзе абодва клюбы аб’ядналіся, а новага каманда атрымала назву «Раяль Сэркль».

На пачатку 2000-х гадоў клюб рухаўся па сетцы бэльгійскіх правінцыйных ліг. У 2000 годзе каманда вярнулася ў нацыянальны чацьверты дывізіён Бэльгіі, а ў 2005 годзе нават трапіла ў трэці дывізіён, але на доўгі час замацавацца там не ўдалося^[1]. У 2009 годзе было пастаноўлена пачаць супрацу з камандай трэцяга дывізіёну «Лювіеруаз», былой камандай найвышэйшага дывізіёну, якая мела фінансавыя цяжкасьці. Да афіцыйнага зьліцьця справа не дайшла. Увесну 2011 году футбольны ляндшафт гораду зьмяніўся, бо футбольны клюб УРС, які зарэгістраваны ў Каралеўскай бэльгійскай футбольнай асацыяцыяй з нумарам 213, пачаў гуляць на стадыёне Тывалі пад назовам «Ля-Лювіер-Сэнтар». Каманда «Лювіеруаз» вярнулася ў Шарлеруа, зьмяніўшы назву на «Шарлеруа».