Літаратурная прэмія імя Янкі Маўра

Літарату́рная прэ́мія імя́ Я́нкі Ма́ўра — прэмія, заснаваная ў 1993 годзе ў гонар беларускага пісьменьніка Янкі Маўра^[1]. Заснавальнікі — Беларускі ПЭН-цэнтар і Саюз беларускіх пісьменьнікаў.

Літаратурная прэмія імя Янкі Маўра
Апісаньне	за найлепшы твор для дзяцей і юнацтва на беларускай мове
Арганізатар	Беларускі ПЭН-цэнтар, Саюз беларускіх пісьменьнікаў
Правядзеньне	Менск
Краіна	Беларусь
Першае прысуджэньне	1993

Прысуджаецца штогод маладым пісьменьнікам (да 40 год) за найлепшы твор для дзяцей і юнацтва на беларускай мове ў наступных жанрах: проза (апавяданьні, казкі і г.д.), паэзія (вершы, байкі і г.д.), п’есы, тэксты песьняў, коміксы, пераклады замежных дзіцячых твораў на беларускую мову^[2][3].