Мале

Мале́ (па-мальдыўску: މާލެ) — сталіца і найбуйнейшы горад Мальдыўскіх астравоў. Насельніцтва складае 211 908 чалавек у 2022 годзе^[1] ў межах адміністрацыйнай зоны і сумежнай геаграфічнай зоны ў 8,30 км², што робіць места адным з самых густанаселеных гарадоў у сьвеце^[2][3]. Мале геаграфічна месьціцца на паўднёвай ускраіне атолу Паўночны Мале^[4]. Адміністрацыйна горад складаецца з цэнтральнага вострава, вострава з аэрапортам і пяці іншых астравоў, якімі кіруе гарадзкая рада Мале. Традыцыйна гэта быў Каралеўскі востраў, адкуль кіравалі старажытныя каралеўскія дынастыі і дзе стаяў палац. У той час горад менаваўся як Магал^[5]. Раней гэта быў горад-мур, аточаны ўмацаваньнямі і брамамі. Каралеўскі палац Гандувару быў зьнішчаны разам з маляўнічымі крэпасьцямі і бастыёнамі ў час рэканструкцыі места за часам панаваньня прэзыдэнта Ібрагіма Насіра па скасаваньні манархіі ў 1968 годзе. Тым ня менш, некаторыя будынкі ўсё ж такі захаваліся, у прыватнасьці, пятнічны мячэт. За апошнія некалькі дзесяцігодзьдзяў востраў значна пашырыўся памерамі дзякуючы мэліярацыі. Цягам многіх гадоў Мале быў цэнтрам палітычных пратэстаў і знакавых падзеяў.

Мале
Дата заснаваньня:	V стагодзьдзе
Краіна:	Мальдыўскія астравы
Кіраўнік:	Адам Азім[d]
Плошча:	5,8 км²
Вышыня:	2 м н. у. м.
Насельніцтва:	▲252 768 чал. (2021)
Тэлефонны код:	331, 332, 333, 334
Паштовы індэкс:	20002 - 20003
Геаграфічныя каардынаты:	4°10′30″ пн. ш. 73°30′30″ у. д.
Мале на мапе Мальдыўскіх астравоў Мале
Галерэя здымкаў у Вікісховішчы
https://malecity.gov.mv/en